قىلمىستى انىقتاۋعا, ءىز كەسۋگە, ەسىرتكى مەن جارىلعىش زاتتاردى ىزدەستىرۋگە جانە ودورولوگيالىق سايكەستەندىرۋگە قاتىساتىن ولار كۇشىك كەزىنەن ارنايى وقۋ-جاتتىعۋ كۋرستارىنان ءوتىپ, بەلگىلى ءبىر باعىتتاعى قۇقىق بۇزۋشىلاردى انىقتاۋعا مامانداندىرىلعان.
ءيىسشىل يتتەر كومەگىمەن جىل باسىنان بەرى 112 قىلمىس اشكەرەلەنىپتى. كينولوگيالىق قىزمەت ورتالىعىنىڭ قىزمەتكەرلەرى بىلتىر وزدەرىنە بەكىتىلگەن قىزمەتتىك ىزدەستىرۋ يتتەرىمەن ءىىم-ءنىڭ الماتى قالاسىنداعى كينولوگيالىق وقۋ ورتالىعىندا ەسىرتكى زاتىن ىزدەۋ جانە ادام ءيىسى بويىنشا ىزگە ءتۇسۋ بىلىكتىلىكتى ارتتىرۋ كۋرستارىن اياقتادى.
«قىزمەتتىك يتتەر تەك ادال سەرىك قانا ەمەس, سونىمەن قاتار قىلمىستاردى اشۋ باعىتىندا, جوعالعان ادامداردى ىزدەۋ جانە تىيىم سالىنعان زاتتاردى انىقتاۋ سياقتى ماڭىزدى مىندەتتەردى اتقاراتىن ناعىز كومەكشىلەر. ولاردىڭ يىستەردى اجىراتا ءبىلۋى, جاسىرىلعان ەسىرتكىنى نەمەسە جارىلعىش زاتتار مەن قارۋدى انىقتاۋ جانە ىزدەردى تابۋ قابىلەتى كوبىنە قىلمىستاردى اشۋدا ماڭىزدى ءرول اتقارادى. پوليتسەيلەرلىڭ سەنىمدى كومەكشىلەرى 1030 جەدەل شاراعا قاتىسىپ, قۇقىق قورعاۋ ورگاندارىنىڭ جۇمىسىندا وزدەرىن تاپتىرماس دوس ەكەندىگىن دالەلدەدى»,- دەيدى پوليتسيا دەپارتامەنتى باستىعىنىڭ ءبىرىنشى ورىنباسارى. پوليتسيا پولكوۆنيگى سەرىك توقتىباەۆ.
