ءوڭىر جاستارى «ارداگەرلەردى ارداقتايىق!» اكتسياسىن تۇراقتى وتكىزىپ كەلەدى.
«وسى جىلدىڭ باسىندا ۆولونتەرلىك ورتالىقتار بەكىتكەن ورتاق كەستە بويىنشا جاستار قىس مەزگىلىندە تىل ارداگەرلەرى مەن جالعىزباستى قاريالاردىڭ ۇيلەرىنە بارىپ, شارباقتارىنىڭ قارىن كۇرەسە, جازدا باۋ-باقشا ەگەتىن ورىنداردى قوپسىتىپ, ارامشوپتەردى ج ۇلىپ, رەتكە كەلتىرەدى. ءتىپتى ۇيلەرىنىڭ تەرەزەلەرىنە دەيىن جۋىپ كەتەدى. قارتتارعا قولعابىس كورسەتۋدە وبلىستىق ۆولونتەرلىك كەڭەس مۇشەلەرى, «اڭسار», «جاستار رۋحى», «قولعانات» ەرىكتىلەر توبى الدا كەلەدى», دەيدى اقتوبە وبلىستىق جاستار رەسۋرستىق ورتالىعىنىڭ ءبولىم باسشىسى دانا ساناتقىزى.
اتالعان ءىس-شاراعا ەرىكتى رەتىندە قاتىسقان قۋاندىق جانسەيىتتىڭ ايتۋىنشا جاستار ءبىر جاعىنان قارت كىسىگە قولعابىس جاساسا, ەكىنشى جاعىنان تىل ارداگەرىنىڭ تاعىلىمدى اڭگىمەسىن تىڭدايدى.
«بۇل مەن ءۇشىن ۇلكەن مارتەبە. زاماننىڭ اۋىرتپالىعىن باستان وتكەرسە دە مويىماي, ادال ەڭبەكپەن بارلىق قيىندىقتى جەڭە بىلگەن اجەيدىڭ بايسالدىلىعىنا تاڭ قالدىم. وسىنداي يگى باستامالار جاستاردىڭ بويىندا پاتريوتتىق سەزىمدى قالىپتاستىرىپ, ۇلكەنگە قۇرمەت, كىشىگە ىزەت كورسەتۋگە تاربيەلەيدى. ءوز باسىم قوعامعا پايدالى ىستەرمەن اينالىسۋدى جاقسى كورەمىن. ەرىكتىلەر – جۇرەكتەرى ىزگىلىككە تولى ادامدار», دەيدى ۆولونتەر.
اقتوبە وبلىسى
