كونتسەرت باعدارلاماسىنا قازاقستان, تۇركيا, وزبەكستان جانە قىرعىزستاننان كەلگەن بەلگىلى وپەرا سوليستەرى, سونداي-اق اباي اتىنداعى تەاتردىڭ سيمفونيالىق وركەسترى مەن حورى قاتىستى. قاتىسۋشىلار ۇلتتىق جانە الەمدىك وپەرا كلاسسيكاسىنىڭ تاڭداۋلى تۋىندىلارىنان اريالار ورىنداپ, ساحنالىق كورىنىستەر ۇسىندى.
مۋزىكالىق كەشتە ەلىمىزدىڭ ەڭبەك سىڭىرگەن قايراتكەرى ەربولات احمەدياروۆ, قۋانىش يسمايلوۆ جانە قىرعىز ۇلتتىق اكادەميالىق وپەرا جانە بالەت تەاترىنىڭ باس ديريجەرى زاحار بۋتەنكو ديريجەرلىك ەتتى. كونتسەرت ە.برۋسيلوۆسكيدىڭ «قىز جىبەك» وپەراسىنان ۇزىندىمەن اشىلدى.
فەستيۆال اياسىندا, سونداي-اق, تەاتر عيماراتىندا تۇركى ەلدەرىنىڭ وپەرا جانە بالەت تەاترلارى ديرەكتورلارى كەڭەسىنىڭ IV وتىرىسى ءوتتى. جيىن بارىسىندا قاتىسۋشىلار اباي اتىنداعى تەاتر مۇراجايىن ارالاپ, ونىڭ قالىپتاسۋ تاريحىمەن جانە كاسىبي داستۇرلەرىمەن تانىستى. كەڭەس جۇمىسىن تۇركسوي باس حاتشىلىعى جانىنداعى قازاقستان رەسپۋبليكاسىنىڭ وكىلى نىشانكۇل قاراتاەۆا اشىپ, ۇيىم باس حاتشىسى سۇلتان راەۆتىڭ قۇتتىقتاۋ حاتىن وقىدى.
كەڭەس مۇشەلەرى تەاتر ونەرى سالاسىنداعى حالىقارالىق ىنتىماقتاستىقتى كەڭەيتۋ, كاسىبي ارىپتەستىكتى دامىتۋ جانە بىرلەسكەن جوبالاردى ىسكە اسىرۋ ماسەلەلەرىن تالقىلادى. بۇل باستاما تۇركى حالىقتارىنىڭ ورتاق مادەني مۇراسىن ناسيحاتتاۋعا جانە رۋحاني بايلانىستى نىعايتۋعا باعىتتالعان.
