اقپارات ايدىنىنداعى 90 جىلدىعىن تويلاعان باسىلىمنىڭ مەرەيتويىنا وراي ۇىمداستىرىلعان تۋرنيردە رەسپۋبليكالىق «Egemen Qazaqstan» گازەتىنىڭ جامبىل وبلىسىنداعى مەنشىكتى ءتىلشىسى, باق وكىلدەرى اراسىنداعى باسەكەلەردىڭ بىرنەشە دۇركىن چەمپيونى تابيعات مۇسىلمانقۇل جەڭىستىڭ بيىك تۇعىرىنان كورىندى.
تۋرنير بارىسىندا 6 كەزدەسۋ وتكىزگەن ارىپتەسىمىز قارسىلاستارىنىڭ بارلىعىنان ايلاسىن اسىرىپ, جارىس جەڭىمپازى اتاندى. ال ەكىنشى ورىن «استانا» تەلەارناسىنىڭ جامبىل وبلىسىنداعى مەنشىكتى ءتىلشىسى بەرىك جۇماباي ۇلىنا بۇيىرسا, ۇزدىك ۇشتىكتى قوردايلىق نۇربولات ساتىمقۇل تۇيىندەدى.
سالتاناتتى ءىس-شارادا بيليارد ءتۋرنيرىنىڭ جەڭىمپازدارىمەن بىرگە «شۋاقتى شۋ ءوڭىرىم – قۇت مەكەنىم» تاقىرىبىندا وتكەن شىعارماشىلىق بايقاۋدىڭ جەڭىمپازدارى مەن جۇلدەگەرلەرى دە ماراپاتتالدى. سونداي-اق جەرگىلىكتى قالامگەرلەر مارقۇم ءالديحان قالدىباەۆتىڭ جانە اقىن باقىت يساەۆانىڭ ءومىر جولىنان سىر شەرتەتىن جاڭا جيناقتاردىڭ تانىستىرىلىمى وتكىزىلدى.
جەڭىمپازدار مەن جۇلدەگەرلەرگە قارجىلاي سىيلىقتى تابىستاعان اۋدان اكىمى باقىتجان جانىبەكوۆتىڭ ايتۋىنشا, مۇنداي يگى ءىس-شارالار الداعى ۋاقىتتا دا جالعاسىن تاپپاق.
«جەرگىلىكتى باسىلىمنىڭ مەرەيتويىن جوعارى دەڭگەيدە وتكىزۋگە اۋدان باسشىسى ايرىقشا قولداۋ كورسەتكەنىن ايتا كەتكەن ءجون» دەيدى «شۋ ءوڭىرى» گازەتىنىڭ باس رەداكتورى ەرعالي قارتايعان.
ەسەن وتەۋلى,
جۋرناليست
جامبىل وبلىسى,
شۋ اۋدانى
