فوتو: دەنساۋلىق ساقتاۋ مينيسترلىگى
سونىمەن قاتار, اۋتيزم سپەكترى بۇزىلعان بالالارعا كومەك كورسەتۋ مۇمكىندىكتەرى كەڭەيتىلىپ جاتىر. اعىمداعى جىلى ءاۋتيزمى بار بالالار ءۇشىن وڭالتۋ ەمىنىڭ قولجەتىمدىلىگىن قامتاماسىز ەتۋ ماقساتىندا اقمولا, شىعىس قازاقستان, قاراعاندى, تۇركىستان وبلىستارىندا مەديتسينالىق وڭالتۋ ورتالىقتارىن ۇيىمداستىرۋ كوزدەلەدى.
«دەنساۋلىق ساقتاۋ مينيسترلىگى ءاربىر بالانىڭ دەنى ساۋ, قاۋىپسىز جانە قولداۋشى ورتادا وسۋىنە جانە دامۋىنا ىقپال ەتەتىن جاعدايلار جاساۋ بويىنشا جۇيەلى جۇمىس جۇرگىزىپ جاتىر. شارالاردىڭ ءبىرى – مەديتسينالىق وڭالتۋ, اسىرەسە جاس بالالار ءۇشىن مۇگەدەكتىككە اكەلەتىن قاۋىپتەردىڭ الدىن الۋداعى ماڭىزدى قۇرال», دەپ اتاپ ءوتتى ۆەدومستۆو وكىلى.
قازاقستاندا مەديتسينالىق وڭالتۋ كەزەڭ-كەزەڭىمەن جۇزەگە اسىرىلادى:
1-كەزەڭ – جەدەل اعىم كەزەڭىندە (72 ساعاتقا دەيىن), حيرۋرگيالىق ارالاسۋلار مەن جاراقاتتار كەزىندە جۇرگىزىلەدى (ستاتسيونار دەڭگەيىندە جۇزەگە اسىرىلادى);
2-كەزەڭ – اۋرۋدان نەمەسە جاراقاتتان كەيىن جەدەل جانە ەرتە قالپىنا كەلتىرۋ كەزەڭدەرىندە (العاشقى 6 اي ىشىندە), سونداي-اق اۋرۋدىڭ قالدىق كورىنىستەرى كەزەڭىندە جۇرگىزىلەدى; وڭالتۋ ستاتسيونارلىق ۇيىمداردا جوعارى تەحنولوگيالىق مەديتسينالىق كومەكتى قولدانۋ ارقىلى جۇزەگە اسىرىلادى;
3-كەزەڭ – امبۋلاتوريالىق-ەمحانالىق ۇيىمداردا, كۇندىزگى جانە تاۋلىك بويعى ستاتسيونارلاردا, وڭالتۋ ورتالىقتارىندا, ساناتوريلىك-كۋرورتتىق ۇيىمداردا وتكىزىلەدى.
«مىندەتتى الەۋمەتتىك مەديتسينالىق ساقتاندىرۋ جۇيەسىن ەنگىزۋمەن بالالار ءۇشىن مەديتسينالىق وڭالتۋدىڭ قولجەتىمدىلىگى ارتىپ كەلەدى. وسى كومەكتى قارجىلاندىرۋ كولەمى سوڭعى بەس جىلدا 2,4 ەسەگە – 2019 جىلعى 12,2 ملرد تەڭگەدەن 2025 جىلى 29,3 ملرد تەڭگەگە دەيىن ۇلعايدى», دەدى م.بەيسەن.
دەنساۋلىق ساقتاۋ مينيسترلىگى ەرەكشە بالالارعا كومەكتەسۋدىڭ زاماناۋي تاسىلدەرى مەن يننوۆاتسيالىق ادىستەرىن زەرتتەۋدە. ماسەلەن, نازارباەۆ ۋنيۆەرسيتەتىمەن جانە بولات وتەمۇراتوۆ قورىمەن ىنتىماقتاستىقتا «اۋتيزم. بارلىعىنا ارنالعان الەم» اۋتيزم سپەكترى بۇزىلعان بالالارعا ارنالعان جاساندى ينتەللەكت نەگىزىندەگى روبوتتىق تەراپيانى قولدانۋ بويىنشا زەرتتەۋلەر جۇرگىزىلىپ جاتىر.
سونىمەن قاتار, وڭالتۋ پراكتيكاسىن كەڭەيتۋ شەڭبەرىندە پسيحوموتورلىق تەراپيا ەنگىزىلىپ جاتىر, بۇل – بالانىڭ موتورلىق, ەموتسيونالدىق جانە مىنەز-ق ۇلىق فۋنكتسيالارىن قالپىنا كەلتىرۋگە جانە ۇيلەستىرۋگە باعىتتالعان ءادىس.
