دۇنيەجۇزىلىك بانكتىڭ قولداۋىمەن, ۇلتتىق ستاتيستيكا بيۋروسى تاراپىنان جۇزەگە اسقان بۇل ءتاسىل تۋريستىك اعىندار مونيتورينگىنىڭ جاڭا دەڭگەيىنە شىعۋعا مۇمكىندىك بەرەدى.
ەندى ءداستۇرلى ستاتيستيكادا بۇرىن ەسكەرىلمەگەن ءبىر كۇندىك ساپارلار مەن ورنالاستىرۋسىز ساپارلاردى قوسا العاندا, ادامداردىڭ ناقتى قوزعالىسى جۇيەدە تىركەلەدى. وسىنىڭ ارقاسىندا ستاتيستيكا ناقتىلانادى.
2023 جىلعى شىلدەدەن 2024 جىلعى شىلدەگە دەيىنگى ارالىقتا ۇيالى بايلانىس وپەراتورلارىنىڭ ءبىرىنىڭ دەرەكتەر بازاسىندا ىسكە اسىرىلعان جوبانىڭ الدىن الا ناتيجەلەرى ماڭىزدى قورىتىندىلار جاساۋعا مۇمكىندىك بەردى.
- ىشكى ساپارلاردىڭ 60% -دان استامى - ءبىر كۇندىك ساپارلار.
- ەڭ جوعارى تۋريستiك اعىن جاز ايلارىندا جانە مەرەكە كەزەڭiندە - اسiرەسە ناۋرىز, جاڭا جىل جانە جەڭىس كۇنiندە بايقالدى.
- ۇيدەن تىس تۇنەۋ سانى بويىنشا رەكورد 2024 جىلعى 21 ناۋرىزدا, كوكتەمگى دەمالىستىڭ قىزۋ كەزىندە تىركەلدى.
- استانا تۇرعىندارى قاشىقتىقتاعى ايىرماشىلىقتارعا قاراماستان, اقمولا وبلىسى مەن الماتىعا ساپاردى ءجيى تاڭدايدى.
- ەڭ جوعارى جانە ەڭ تومەن بەلسەندى ايلار اراسىنداعى ءۇش ەسە ايىرماشىلىعى بار ايتارلىقتاي ماۋسىمدىق تۋريزم سالاسىندا جوسپارلاۋ ءۇشىن جاڭا مۇمكىندىكتەر اشادى.
وسى ماسەلەلەردىڭ بارلىعى دۇنيەجۇزىلىك بانك وكىلدەرىنىڭ قاتىسۋىمەن وتكەن تاقىرىپتىق سەميناردا جانە جۇمىس كەزدەسۋىندە تالقىلاندى, وندا الدىن الا ناتيجەلەر ۇسىنىلىپ, دامۋدىڭ كەلەسى قادامدارى بەلگىلەندى. حالىقارالىق ساراپشىلار قازاقستاننىڭ ستاتيستيكانى تسيفرلاندىرۋ جانە جاڭا دەرەكتەر كوزدەرىن دامىتۋداعى ىلگەرىلەۋىن وڭ باعالادى. قازاقستان ءموبيلدى دەرەكتەردى تالداۋ الگوريتمدەرىن ازىرلەۋدە حالىقارالىق ارىپتەس - ەستونيالىق Positium كومپانياسىمەن تىعىز ىنتىماقتاستىقتى جالعاستىرۋدا.
«قازاقستان بۇكىل تمد مەن ءوڭىر ءۇشىن ساندىق ستاتيستيكا ستاندارتىن بەلگىلەيدى. بۇل جوبا - جاي عانا تەحنيكالىق جاڭالىق ەمەس, تۋريستىك اعىنداردى ولشەۋ ءتاسىلىن وزگەرتەتىن جانە تالداۋ كوكجيەگىن كەڭەيتەتىن ناعىز سەرپىلىس» دەيدى دب وكىلى م.نەبيلەر
بۇگىنگى كۇنى بايلانىس وپەراتورلارىمەن كەلىسىمدەرگە قول قويۋ بويىنشا جۇمىس جۇرگىزىلۋدە, بۇل قامتۋدى كەڭەيتۋگە جانە تۋريزمدە عانا ەمەس, كوشى-قون سالاسىندا دا ۇتقىر پوزيتسيالاۋ نەگىزىندە ستاتيستيكانى تۇراقتى جاريالاۋعا كوشۋگە مۇمكىندىك بەرەدى.
