فوتو: ۇكىمەتتىڭ ءباسپاسوز قىزمەتى
كەزدەسۋ اياسىندا Proton Holdings كومپانياسىنىڭ قازاقستاندا ەلەكتروموبيلدەر شىعارۋ جوسپارى نازارعا الىندى. مالايزيانىڭ ماشينا جاساۋ سالاسىنداعى كوشباسشىسى سانالاتىن كومپانيا قازىرگى تاڭدا ىشتەن جانۋ قوزعالتقىشتارى بار اۆتوكولىكتەرمەن قاتار, ەلەكتروموبيلدەردى دە ءوندىرىپ, 26-دان استام ەلگە ەكسپورتتاپ وتىر. سونىمەن قاتار كومپانيانىڭ زاماناۋي ترانسميسسيالار مەن كولىك قۇرالدارىن ازىرلەۋ, جوبالاۋ جانە ينجەنەرلىك زەرتتەۋ ورتالىعى جۇمىس ىستەيدى.
ولجاس بەكتەنوۆ مەملەكەت باسشىسىنىڭ تاپسىرماسىنا سايكەس, ءوندىرىستى لوكاليزاتسيالاۋ, جاڭا جۇمىس ورىندارىن اشۋ جانە ماشينا جاساۋ سالاسىن دامىتۋ بويىنشا جۇيەلى جۇمىستار جۇرگىزىلىپ جاتقانىن اتاپ ءوتتى. ينۆەستيتسيا تارتۋ جانە جاڭا ءوندىرىس ورىندارىن اشۋ قازاقستان ەكونوميكاسىن ءارتاراپتاندىرۋ جانە ورنىقتى ءوسۋى ءۇشىن ماڭىزدى مانگە يە. وسى جىلدىڭ ءبىرىنشى توقسانىندا اتالعان سالاعا 55 ملرد تەڭگە ينۆەستيتسيا تارتىلعان. 2024 جىلى ينۆەستيتسيا كولەمى 2 ەسەگە – 282 ملرد تەڭگەگە جەتكەن.
كەزدەسۋ بارىسىندا ۇكىمەتتىڭ جوبانى جۇزەگە اسىرۋعا تولىق قولداۋ كورسەتۋگە دايىن ەكەنى مالىمدەلدى. اسىرەسە, عىلىمي-تەحنيكالىق الەۋەتتى دامىتۋ ماقساتىندا زەرتتەۋ جانە تاجىريبەلىك-كونسترۋكتورلىق جۇمىستار باعىتىندا بىرلەسىپ جۇمىس ىستەۋدىڭ ماڭىزدىلىعى اتاپ ءوتىلدى.
Proton Holdings باس ديرەكتورى چۋنرونگ لي قازاقستاندا ينۆەستورلار ءۇشىن قولايلى جاعداي جاسالعانىن ايتىپ, وتاندىق نارىققا شىعۋعا كومپانيانىڭ قىزىعۋشىلىق ءبىلدىرىپ وتىرعانىن جەتكىزدى.
كەزدەسۋ قورىتىندىسىندا تاراپتار ءوزارا ءتيىمدى ىنتىماقتاستىقتى دامىتۋعا نيەتتى ەكەندەرىن ءبىلدىردى. جوبانى ىسكە اسىرۋ ءۇشىن قر ونەركاسىپ جانە قۇرىلىس مينيسترلىگىنە ارنايى جول كارتاسىن ازىرلەۋ تاپسىرىلدى.
