ونىڭ ايتۋىنشا, اقتاۋ قالاسىنىڭ جىلۋ جەلىلەرىن جاڭعىرتۋ جۇمىستارى قارقىندى جۇرگىزىلىپ جاتىر – بۇل جۇمىستاردىڭ ناتيجەسىندە ولاردىڭ توزۋ دەڭگەيى 79%-دان 75%-عا دەيىن تومەندەيدى.
«اقتاۋ قالاسىندا 1-6 ىقشاماۋدان (115,3 كم) جانە 7-24 ىقشاماۋداندار (118 كم) جىلۋ جەلىلەرىن قايتا جاڭارتۋعا جوبالىق-سمەتالىق قۇجاتتاما ازىرلەنىپ جاتىر. جوبانىڭ كەشەندى ساراپتاماسىنىڭ قورىتىندىسى بيىلعى جىلدىڭ ەكىنشى جارتىجىلدىعىندا الىنادى. قۋاتتىلىعى 360 گكال/ساع جاڭا ورتالىق قازاندىق سالۋ جوسپارلانىپ جاتىر. بۇل جۇمىستار قالانىڭ جاڭا شاعىناۋداندارىن ساپالى جىلۋمەن قامتۋ ماسەلەسىن تۇپكىلىكتى شەشۋ ماقساتىندا جۇرگىزىلەدى. جوبانىڭ مەملەكەتتىك ساراپتاماسى ماقۇلداندى. بيىل قازاندىق قۇرىلىسىن باستاۋ جوسپارلانىپ جاتىر», دەدى بەردىبەك قارتباەۆ.
بۇل شارالار اقتاۋلىقتاردى كۇزگى-قىسقى كەزەڭدە ۇزدىكسىز جىلۋمەن قامتاماسىز ەتۋگە مۇمكىندىك بەرەتىنىن ايتتى.
