سونىمەن قاتار ادىلەت مينيسترلىگى ەلدىڭ قۇقىقتىق جۇيەسىنىڭ تيىمدىلىگى مەن اشىقتىعىن ارتتىرۋعا باعىتتالعان اۋقىمدى تسيفرلىق ترانسفورماتسيانى بەلسەندى تۇردە جۇزەگە اسىرۋدا. نەگىزگى تسيفرلىق باستامالار بارلىق سالالاردى نورماشىعارۋدان باستاپ نوتاريات پەن اتقارۋشىلىق ءىس جۇرگىزۋگە دەيىن قامتيدى. سولاردىڭ ىشىندە نورماشىعارۋ پروتسەسى تسيفرلىق فورماتقا كوشۋ, قۇقىق سالاسىندا جاساندى ينتەللەكتتى ەنگىزۋ, اتقارۋشىلىق ءىس جۇرگىزۋدى اۆتوماتتاندىرۋ, كەپىلدەندىرىلگەن زاڭ كومەگى, سوت ساراپتاماسىن تسيفرلاندىرۋ – «E-ساراپتاما» جوباسى جانە ەكى جي-مودۋل ازىرلەۋگە توقتالىپ ءوتتى.
ادىلەت مينيسترلىگى حالىقتىڭ سۇرانىستارىنا جەدەل جانە ءتيىمدى جاۋاپ بەرۋ ماقساتىندا جاڭا ستاندارتتاردى ەنگىزىپ, قۇقىقتىق قىزمەتتەردى قولجەتىمدى, ءادىل جانە زاماناۋي ەتۋ باعىتىندا جۇيەلى جۇمىس جۇرگىزىپ كەلەدى.
بۇل ترانسفورماتسيا — قازاقستاندا قۇقىقتىق مەملەكەت قالىپتاستىرۋ مەن ازاماتتاردىڭ ءومىر ساپاسىن جاقسارتۋعا قوسىلعان ۇلەس ەكەنىن سەنىمدى تۇردە ايتۋعا بولادى.
