جەر رەسۋرستارىن باسقارۋ ءبولىمى كوممەرتسيالىق ورمان ءوسىرۋ ءۇشىن جەكە تۇلعاعا 36 گەكتار جەر تەلىمىن زاڭسىز بەرگەن. اتالعان جەر تەلىمى حالىقتىڭ دەمالىسى مەن ساۋىقتىرۋىنا ارنالعان رەكرەاتسيالىق ايماققا تيەسىلى بولعان.
قاداعالاۋ اكتىسى بويىنشا جەر رەسۋرستارىن باسقارۋ دەپارتامەنتى سوتقا جۇگىندى. وندا مامانداندىرىلعان اۋدانارالىق ەكونوميكالىق سوتتىڭ شەشىمىمەن جاسالعان كەلىسىم جارامسىز دەپ تانىلىپ, كاداسترلىق قۇنى 567 ميلليون تەڭگە تۇراتىن جەر تەلىمى رەكرەاتسيالىق ماقساتتاعى جەرلەر قۇرامىنا قايتارىلدى.
قابىلدانعان قاداعالاۋ شارالارى ناتيجەسىندە اۋدان ورتالىعى ششۋچينسك قالاسىندا رەكرەاتسيالىق ايماققا تيەسىلى جەرلەردىڭ قۇقىقتىق رەجيمى قالپىنا كەلتىرىلدى. جەر تەلىمىنىڭ رەكرەاتسيالىق قورعا قايتارىلۋى اۋماقتىڭ ەكولوگيالىق تەڭگەرىمىن ساقتاۋعا جانە ونىڭ ماقساتسىز پايدالانىلۋىنا جول بەرمەۋگە مۇمكىندىك بەردى.
اقمولا وبلىسى
