فورۋم اياسىندا بىرنەشە كۇن بويى قاتىسۋشىلار ەنەرگەتيكالىق ترانسفورماتسيانىڭ وزەكتى ماسەلەلەرى مەن دامۋ الەۋەتىن تالقىلاپ, قازاقستان مەن ورتالىق ازيا مەملەكەتتەرى ءۇشىن ماڭىزدى ستراتەگيالىق كەلىسىمدەر مەن ءوزارا تۇسىنىستىككە قول جەتكىزدى.
فورۋم قازاقستاننىڭ ەنەرگەتيكالىق سەكتورىنداعى قازىرگى زامانعى ۇردىستەر مەن ۇمتىلىستاردى بەينەلەيتىن 10 باسىم باعىتتى قامتىدى. اتاپ ايتقاندا, كەلەسى ماسەلەلەر كوتەرىلدى:
- جاڭارتىلاتىن ەنەرگيا كوزدەرىن (جەك) ەنەرگەتيكالىق جۇيەگە ينتەگراتسيالاۋ, جۇكتەمەلەردى تسيفرلىق باسقارۋ جانە جەلىلەردىڭ تۇراقتىلىعىن ارتتىرۋ;
- گيدرواككۋمۋليرلەۋشى ستانتسيالار مەن ەنەرگيا ساقتاۋ جۇيەلەرىن دامىتۋ;
- HVDC تەحنولوگيالارىن قولدانۋ جانە شەكاراارالىق ەلەكتر ەنەرگياسىن تاسىمالداۋدى جەتىلدىرۋ;
- تسيفرلىق ەنەرگەتيكالىق جۇيەلەردى, جاساندى ينتەللەكت, Smart Grid جانە كيبەرقاۋىپسىزدىك ەلەمەنتتەرىن ەنگىزۋ;
- قازاقستاندا وندىرىستەردى يندۋستريالاندىرۋ جانە جەرگىلىكتەندىرۋ;
- ادىلەتتى ەنەرگەتيكالىق كوشۋ, دەكاربونيزاتسيا جانە ESG-ستراتەگيالارىن ىلگەرىلەتۋ;
- ينۆەستيتسيالىق پرەفەرەنتسيالار مەن قارجىلاندىرۋ مودەلدەرى: ءمجا-دەن باستاپ «جاسىل» قورلار مەن ەكسپورتتىق اگەنتتىكتەردىڭ قولداۋىنا دەيىن;
- سۋتەكتى ەنەرگەتيكانى جانە تومەنكومىرتەكتى تەحنولوگيالاردى, سونىڭ ىشىندە كومىرقىشقىل گازىن ۇستاۋ, پايدالانۋ جانە ساقتاۋ (CCUS) مەن كومىرحيميانى دامىتۋ;
- عىلىمي ىنتىماقتاستىق, تەحنولوگيالار ترانسفەرى جانە كادر دايارلاۋ;
- مۇناي-گاز حيمياسى جوبالارىندا يننوۆاتسيالاردى ەنگىزۋ.
«Power Central Asia + China فورۋمى قازاقستاننىڭ ينۆەستيتسيالار ءۇشىن تارتىمدى نۇكتە عانا ەمەس, سونىمەن قاتار وزىق تەحنولوگيالار مەن بىلىمدەردىڭ ينتەگراتورى ەكەنىن كورسەتتى. ءبىز تۇراقتىلىق, قاۋىپسىزدىك جانە يننوۆاتسيالار اراسىنداعى تەپە-تەڭدىككە نەگىزدەلگەن ەنەرگەتيكالىق ساياساتتى قالىپتاستىرىپ جاتىرمىز. قول قويىلعان كەلىسىمدەر مەن قول جەتكىزىلگەن ۋاعدالاستىقتار قازاقستان مەن بۇكىل ورتالىق ازيا ءوڭىرىنىڭ ەنەرگەتيكالىق ەگەمەندىگىن جانە يندۋستريالىق الەۋەتىن نىعايتۋ جولىنداعى ناقتى قادام», دەدى قر ەنەرگەتيكا ۆيتسە-ءمينيسترى باقىتجان ءىلياس.
فورۋمعا 30-دان استام ەلدىڭ وكىلدەرى, جەتەكشى حالىقارالىق ساراپشىلار, عىلىمي قاۋىمداستىق, ىسكەرلىك ورتا, بەيىندى جوو ستۋدەنتتەرى مەن بۇقارالىق اقپارات قۇرالدارى قاتىستى. قازاقستان تاراپىنان ناقتى جوبالار, تەحنولوگيالىق باستامالار مەن ينۆەستورلار مەن سەرىكتەستەرگە اشىق ۇلگىلەر ۇسىنىلدى.
مينيسترلىك فورۋمنىڭ باس سەرىكتەستەرى — China Southern Power Grid, POWERCHINA, Energy China جانە ينفراقۇرىلىمدىق جانە يننوۆاتسيالىق دامۋعا جاردەمدەسۋ قاۋىمداستىعىنا العىسىن بىلدىرەدى.
فورۋمنىڭ سالالىق جانە ينستيتۋتسيونالدىق سەرىكتەستەرى: سامۇرىق-ەنەرگو, قازمۇنايگاز, KEGOC, QazaqGaz, Kazakh Invest, Huawei, KPMG, LONGi, Sinopec, China Datang, Asian Development Bank, Abu Dhabi Commercial Bank, PASHA Holding, ونەركاسىپتى دامىتۋ قورى, QazIndustry, ForteBank, Bank CenterCredit, Halyk Bank, Baiterek Venture Fund, Arthur Consulting, Cranmore Partners, NC Consulting, Unicase Central Asia.
Power Central Asia + China فورۋمى جىل سايىن وتەتىن الاڭعا اينالىپ, بىرلەسكەن وندىرىستەردى دامىتۋعا, تەحنولوگيالار ترانسفەرىنە, عىلىمي ىنتىماقتاستىققا جانە جاڭا بۋىن ماماندارىن دايارلاۋعا ىقپال ەتەتىن بولادى.
ەنەرگەتيكا مينيسترلىگى ورتالىق ازيا ەلدەرىنىڭ ەنەرگەتيكالىق تۇراقتىلىعى مەن تەحنولوگيالىق پروگرەسىن نىعايتۋعا قوسقان ۇلەستەرى مەن سەنىمى ءۇشىن بارلىق سەرىكتەستەرگە العىسىن بىلدىرەدى.
