قايعىلى وقيعا وتكەن جىلدىڭ قازان ايىنىڭ سوڭىندا ماسكەۋ وبلىسىنىڭ سولنەچنوگور اۋدانىندا مارقۇمعا تيەسىلى ەلدى مەكەندەگى ۇيدە بولعان.
«سول كەزدە بىرنەشە جىل بويى قورعاعان كليەنتىمەن ادۆوكات سەرگەي زۋەۆ تۇرعىن ءۇيدى ساتۋ ماسەلەسىنە بايلانىستى جانجالداسىپ قالعان. كليەنتىنىڭ مۇلكىن ساتىپ العىسى كەلگەن ادۆوكات ونى ءۇش رەت پىشاقتاپ ولتىرگەن. ەر ادام وقيعا ورنىندا كوز جۇمعان», — دەلىنگەن حابارلامادا.
قىلمىستان كەيىن زۋەۆ سەرىكتەسىمەن بىرگە مارقۇمنىڭ دەنەسىن وزىنە تيەسىلى مال شارۋاشىلىعى فەرماسىنداعى كرەماتسيا پەشىندە ورتەگەن.
«كىسى ءولتىرۋشىنىڭ دوسى وعان سولنەچنوگور اۋدانىنداعى سول اۋىل ءۇيىن بەس ميلليون رۋبلگە ساتۋعا كومەكتەسكەن», — دەپ حابارلايدى SHOT Telegram ارناسى.
ءبىراز ۋاقىت وتكەن سوڭ مارقۇمنىڭ تانىسى پوليتسياعا جۇگىنگەن. تەرگەۋ بىرنەشە ايعا سوزىلىپ, ماسكەۋ قالالىق تەرگەۋ كوميتەتى مەن قۇقىق قورعاۋ ورگاندارىنىڭ بىرلەسكەن جۇمىسى ناتيجەسىندە زۋەۆ پەن ونىڭ سىبايلاسى ۇستالدى.
ادۆوكات قازىر تەرگەۋ يزولياتورىندا وتىر.
