فوتو: ۇكىمەتتىڭ ءباسپاسوز قىزمەتى
جوبا شەكارا ماڭى ينفراقۇرىلىمىنىڭ وتكىزۋ قابىلەتىن ەداۋىر ارتتىرىپ, كولىك اعىندارىنا تۇسەتىن جۇكتەمەنى ازايتۋعا باعىتتالعان. سالماعى 100 توننادان اساتىن ءىرى گاباريتتى جۇكتەردى وتكىزۋگە ارنالعان ۇزىندىعى 3,2 شاقىرىم, ەنى 12 مەتر بولاتىن اينالما جول, سونداي-اق اۋدانى 81,6 گەكتاردى قۇرايتىن اۆتوتۇراقتار كەشەنىن سالۋ جوسپارلانعان. سونىمەن قاتار, قوسىمشا اۆتوجول كوپىرى مەن قاجەتتى ينفراقۇرىلىم قۇرىلىسىن جۇرگىزۋ جوسپارلانعان.
اتالعان نىساندار كومپانيانىڭ جەكە ينۆەستيتسياسى ەسەبىنەن سالىنادى. جوبانىڭ جالپى قۇنى شامامەن 50 ميلليون اقش دوللارىن قۇرايدى.
پرەمەر-مينيستر ولجاس بەكتەنوۆ بۇل باستامانىڭ مەملەكەت باسشىسىنىڭ تاپسىرمالارىنا ساي ەلىمىزدىڭ كولىك-لوگيستيكا, ساۋدا جانە ترانزيتتىك الەۋەتىن دامىتۋعا زور ۇلەس قوساتىنىن اتاپ ءوتتى. Sarens كومپانياسىنىڭ تاجىريبەسى مەن تەحنولوگيالىق مۇمكىندىكتەرىن ەسكەرە وتىرىپ, تاراپتار ماشينا جاساۋ سالاسىندا ءوندىرىستى لوكاليزاتسيالاۋ باعىتىندا دا ىنتىماقتاستىقتى تەرەڭدەتۋگە مۇددەلى ەكەنىن ءبىلدىردى.
كەزدەسۋ سوڭىندا تاراپتار جوباعا قاتىستى ءوزارا قىزىعۋشىلىقتارىن راستاپ, الداعى ۋاقىتتا ارىپتەستىكتى كەڭەيتۋگە دايىن ەكەندەرىن مالىمدەدى. پرەمەر-مينيستر جاۋاپتى مەملەكەتتىك ورگاندارعا جوبانى ۋاقتىلى ءارى ءتيىمدى جۇزەگە اسىرۋ ءۇشىن قولداۋ كورسەتۋدى تاپسىردى.
