تاراپتار زياتكەرلىك مەنشىك سالاسىنداعى ىنتىماقتاستىقتىڭ قازىرگى جاعدايى مەن دامۋ كەلەشەگىن تالقىلاپ, قۇقىق قولدانۋ تاجىريبەسىن جەتىلدىرۋ جانە قىزمەت تيىمدىلىگىن ارتتىرۋ ماسەلەلەرى تۋراسىندا پىكىر الماستى.
قىتاي حالىقارالىق پاتەنتتىك وتىنىمدەر, ونەركاسىپتىك ۇلگىلەر جانە تاۋار بەلگىلەرىنەن جەتەكشى ورىندا تۇرعانى اتاپ ءوتىلدى. بۇل ەلدىڭ يننوۆاتسيالار مەن زياتكەرلىك مەنشىك قۇقىقتارىن قورعاۋ سالاسىنداعى جوعارى دامۋ دەڭگەيىن كورسەتەدى.
مينيستر قازاقستاننىڭ زياتكەرلىك مەنشىكتى يننوۆاتسيالىق دامۋدىڭ ماڭىزدى قۇرامداس بولىگى رەتىندە قاراستىرىپ, ونى قۇقىقتىق قورعاۋدى نىعايتۋعا ۇمتىلىسىن اتاپ ءوتتى. ءوز كەزەگىندە قىتاي تاراپى ءوزارا ءىس-قيمىلدىڭ وڭ سەرپىنىن اتاپ ءوتىپ, ىنتىماقتاستىقتى ودان ءارى تەرەڭدەتۋگە دايىن ەكەنىن ءبىلدىردى.
كەزدەسۋ شەڭبەرىندە ء«بىر بەلدەۋ, ءبىر جول» باستاماسىنىڭ ماڭىزدىلىعىنا ەرەكشە نازار اۋدارىلدى. بۇل باستاما اياسىندا قازاقستان مەن قىتاي اراسىنداعى تەڭ قۇقىلى, ءوزارا ءتيىمدى جانە ەگەمەندىكتى قۇرمەتتەۋگە نەگىزدەلگەن ستراتەگيالىق سەرىكتەستىك دامىپ كەلەدى.
كەزدەسۋ جوعارى دەڭگەيدە قول جەتكىزىلگەن كەلىسىمدەردىڭ جالعاسى بولىپ, زياتكەرلىك مەنشىك سالاسىنداعى ەكىجاقتى ىنتىماقتاستىقتى كەڭەيتۋگە ءوزارا دايىندىقتى ناقتى راستادى.
