قىزىلوردا. 6 مامىر. ۇلى جەڭىستىڭ 70 جىلدىعى مەرەكەسى قارساڭىندا قىزىلوردا وبلىسىنىڭ كاسىپكەرلەر پالاتاسى «ەرلىككە تاعزىم» الەۋمەتتىك جوباسى اياسىندا ارداگەرلەرگە ەرەكشە مەرەكەلىك تارتۋ جاسادى. بۇل تۋرالى egemen.kz ءتىلشىسى حابارلادى.
اتاپ ايتقاندا, قىزىلوردا قالاسىنداعى 41 ارداگەرگە ارنايى تاپسىرىسپەن وزدەرىنىڭ سۋرەتتەرى بەينەلەنگەن پورترەتتەر جاسالىپ, سىيعا بەرىلدى.
مۇنداي قۇرمەتكە ريزاشىلىقتارىن بىلدىرگەن ارداگەرلەر, بەيبىت ءومىردىڭ قادىرىن بىلۋگە شاقىردى.
بۇگىندە قىزىلوردادا 90-عا جۋىق كوزى ءتىرى ۇلى وتان سوعىسىنىڭ ارداگەرى بار. جەڭىس كۇنى قارساڭىندا قىزىلوردالىق كاسىپكەرلەر ارداگەرلەرگە قۇرمەت كورسەتۋدە.
وسى ۋاقىتقا دەيىن قالا كاسىپكەرلەرى 12 ارداگەرگە بارلىعى 1 ميلليون تەڭگەدەن استام قارجىلاي كومەك كورسەتىپ, 10-عا جۋىق ارداگەرگە تۇرمىستىق تەحنيكا, ءۇي-جيھازدارىن الىپ بەردى.
ايتا كەتۋ كەرەك, «اتامەكەن» ۇلتتىق كاسىپكەرلەر پالاتاسى بۇگىندە «ەرلىككە تاعزىم» الەۋمەتتىك جوباسىن جۇزەگە اسىرۋدا. جوبانىڭ باستى ماقساتى – ەلىمىزدەگى ارداگەرلەرگە الەۋمەتتىك جانە ماتەريالدىق تۇرعىدان كومەك كورسەتۋ. شارا رەسپۋبليكا كولەمىندە وتكىزىلمەك.
ەرجان بايتىلەس.
دەرەك, سۋرەت: egemen.kz.
