مانۋەل تەۆار – سان-فەرناندو اتىنداعى كورولدىك بەينەلەۋ ونەرى اكادەمياسى سىيلىعىنىڭ لاۋرەاتى, نيۋ-يوركتەگى «Bradshaw & Buono» بايقاۋىنىڭ باس جۇلدەگەرى. ول ەۋروپانىڭ اتاقتى وركەسترلەرىمەن ونەر كورسەتىپ, كارنەگي-حولل, رۋدولفينۋم, ۆەنا كونتسەرتحاۋسى, بەرلين فيلارمونياسى, مادريدتەگى ۇلتتىق اۋديتوريا جانە الەمگە تانىمال ساحنالاردا ديريجەرلىك ەتكەن. كەڭ اۋقىمدى مۋزىكالىق ءبىلىم مەن تاجىريبەگە يە تەۆاردىڭ ءاربىر ونەر كورسەتۋى –كوركەمدىك تالعام مەن رۋحاني ەركىندىكتىڭ ۇيلەسىمدى كورىنىسى.
ماقپال قابدەن – قازاقستاندىق فورتەپيانو مەكتەبىنىڭ جاڭا بۋىن وكىلى. ءپاريجدىڭ بەدەلدى مۋزىكا اكادەميالارىندا ءبىلىم العان ول جەكە شىعارماشىلىق پەن ۇستازدىق قىزمەتتى تابىستى ۇشتاستىرىپ كەلەدى. ونىڭ كونتسەرتتىك قىزمەتى فرانتسيا, قىتاي, قازاقستان, قىرعىزستان جانە وزگە دە ەلدەردى قامتيدى. ءپيانيستىڭ رەپەرتۋارى مەندەلسون, راۆەل, پروكوفەۆ سىندى كومپوزيتورلاردىڭ شىعارمالارىن, سونداي-اق حح عاسىردىڭ كورنەكتى تۋىندىلارىن قامتيدى. ماقپال قابدەن قازاقستان مەن شەتەلدىڭ جەتەكشى وركەسترلەرىمەن ءبىر ساحنادا ونەر كورسەتىپ, كاسىبي سىنشىلار تاراپىنان جوعارى باعاعا يە بولعان.
الەمدىك كلاسسيكالىق مۋزىكانىڭ ەڭ ۇزدىك ۇلگىلەرىن توعىستىرعان كونتسەرتتىك باعدارلاما, كاسىبي مۋزىكانتتاردىڭ شەبەرلىگى كورەرمەندەردى ءتانتى ەتتى.
