قىزىلوردا. 6 مامىر. قورقىت اتا اتىنداعى قىزىلوردا مەملەكەتتىك ۋنيۆەرسيتەتىندە «كورەيا جانە ورتا ازياداعى فولكلور: سالىستىرمالى تالداۋ» تاقىرىبىندا حالىقارالىق كونفەرەنتسيا ءوتتى. بۇل تۋرالى egemen.kz ءتىلشىسى حابارلادى.
كونفەرەنتسيا جۇمىسىنا كورەيانىڭ الماتىداعى باس كونسۋلى سون چحي كىن, كورەيا رەسپۋبليكاسى چوللانام-دو پروۆينتسياسى ءبىلىم باسقارماسىنىڭ باستىعى, پروفەسسور مانچاي چانگ باستاعان دەلەگاتسيا, سالىستىرمالى فولكلوريستيكا جونىندەگى ازيالىق قاۋىمداستىق پرەزيدەنتى چۋنگ-انگ جانە قىرعىزستان, وزبەكستان, تاجىكستان, قازاقستاننىڭ عالىمدارى مەن لينگۆيست ماماندارى, قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ وقىتۋشى-پروفەسسورلارى, ماگيسترانتتار جانە دوكتورانتتار قاتىستى.
كونفەرەنتسيانىڭ پلەنارلىق ماجىلىسىندە ۋنيۆەرسيتەت رەكتورى, تەحنيكا عىلىمدارىنىڭ دوكتورى, پروفەسسور قىلىشباي بيسەنوۆ دەلەگاتسيا قۇرامىنا ۋنيۆەرسيتەتتىڭ ءبىلىم بەرۋ قىزمەتىن تانىستىردى. سونىمەن بىرگە, قورقىت اتا اتىنداعى قىزىلوردا مەملەكەتتىك ۋنيۆەرسيتەتى وڭتۇستىك كورەيانىڭ كانگۆون, اندون ۇلتتىق ۋنيۆەرسيتەتتەرى, كانگنام, كەنگي, چۋن-انگ, كۋكمين ۋنيۆەرسيتەتتەرىمەن جانە كەنگي پروۆينتسياسىنىڭ ءبىلىم باسقارماسىمەن تىعىز ارىپتەستىك بايلانىس ورناتقاندىعىن, ناتيجەسىندە اتالعان جوعارى وقۋ ورىندارىندا ستۋدەنتتەر الماسۋ جانە قوس ديپلوم باعدارلامالارىنىڭ جۇيەلى جۇزەگە اسىپ كەلە جاتقاندىعىنا توقتالدى.
كونفەرەنتسيانىڭ پلەنارلىق ماجىلىسىندە اراباەۆ اتىنداعى قىرعىز مەملەكەتتىك ۋنيۆەرسيتەتىنىڭ رەكتورى, پروفەسسور تولوبەك ابدراحمانوۆ «فولكلور ي رازمىشلەنيا وب ەپوسە» تاقىرىبىندا بايانداما جاساپ, قىرعىز, قازاق ادەبيەتىنىڭ دامۋى, اقىنداردىڭ ادەبي بايلانىسى, ورتا ازيا ەلدەرىنىڭ باي فولكلور مۇراسى تۋراسىندا ءوز ويلارىمەن ءبولىستى. سونىمەن بىرگە, حانەۋلا مالبيتا اتىنداعى عىلىمي-زەرتتەۋ ينستيتۋتىنىڭ عىلىمي قىزمەتكەرى گونگۋ راككا «يسسلەدوۆانيە ي رازرابوتكا تراديتسيوننىح مەتودوۆ كراشەنيا پو كورەيسكوي تەحنولوگي» تاقىرىبى بويىنشا بايانداما جاسادى.
ەرجان بايتىلەس.
دەرەك, سۋرەت: egemen.kz.
