فوتو: عىلىم جانە جوعارى ءبىلىم مينيسترلىگى
اجار تۇرسىنوۆانىڭ ايتۋىنشا, قازىرگى تاڭدا ينسۋلت – دەنساۋلىق ساقتاۋ سالاسىنداعى وزەكتى جاھاندىق ماسەلە.
«بۇگىنگى تاڭدا مي ءينسۋلتى الەم بويىنشا دەنساۋلىق ساقتاۋ سالاسىنداعى جاھاندىق پروبلەما. ءينسۋلتتى دياگنوستيكالاۋدا ءتۇرلى تاسىلدەر قولدانىلادى. بۇل كوپ ۋاقىتتى قاجەت ەتەتىن اۋىر جۇمىس. نەگىزىنەن, مي ءينسۋلتىن انىقتاۋ جانە سەگمەنتاتسيالاۋ كومپيۋتەرلىك توموگرافياعا (كت) جانە ماگنيتتى-رەزونانستىق توموگرافياعا (مرت) بايلانىستى. رەنتگەنولوگتار مەن نەۆروپاتولوگتار الىنعان كەسكىندەرگە وزدەرى ساراپتاما جۇرگىزەدى, بىراق ينسۋلت كورىنىستەرى ءالسىز بايقالاتىن سۋرەتتەردى زەرتتەگەندە قاتەلىكتەرگە الىپ كەلۋى ىقتيمال. ال ءبىزدىڭ ءادىس, ياعني جاساندى ينتەللەكتىنى پايدالانۋ جەدەل دياگنوستيكالىق جۇمىستاردى جۇرگىزۋگە كومەكتەسەدى. مەديتسينالىق سۋرەتتەردى جىلدام تالداۋعا جانە تۇسىندىرۋگە مۇمكىندىك بەرەدى, بۇل ءينسۋلتتى انىقتاۋ دياگنوستيكاسىن تەزدەتەدى», دەيدى قازۇۋ عالىمى اجار تۇرسىنوۆا.
جاساندى ينتەللەكت نەگىزىندەگى جاڭا جۇيە بۇل ماسەلەنى شەشۋگە باعىتتالعان. ول مەديتسينالىق سۋرەتتەردى جىلدام ءارى ءدال تالداۋعا مۇمكىندىك بەرەدى. سونىڭ ناتيجەسىندە ءينسۋلتتى ەرتە كەزەڭدە انىقتاۋ جانە ناقتى شەشىم قابىلداۋ ۇدەرىسى ايتارلىقتاي جەدەلدەيدى.
عالىم بۇل جوباسى ءۇشىن پاتەنت الىپ, عىلىمي جۋرنالداردا ماقالالار جاريالاعان. الداعى ۋاقىتتا زەرتتەۋشى ادىستەمەنى ءارى قاراي جەتىلدىرىپ, ناقتى مەديتسينالىق پراكتيكاعا ەنگىزۋدى كوزدەپ وتىر.
