فوتو: اشىق دەرەككوز
ەڭبەك جانە حالىقتى الەۋمەتتىك قورعاۋ مينيسترلىگىڭ مالىمەتىنشە, سۋبسيديالاناتىن جۇمىس ورىندارىنا مانساپ ورتالىقتارى ارقىلى 116,2 مىڭ ادام جىبەرىلگەن. ونىڭ ىشىندە:
- الەۋمەتتىك جۇمىس ورىندارىندا – 10,8 مىڭ ادام,
- جاستار پراكتيكاسىندا – 7,8 مىڭ ادام;
- قوعامدىق جۇمىستاردا – 83,3 مىڭ ادام;
- «كۇمىس جاس» جوباسى اياسىندا – 12,8 مىڭ ادام;
- «العاشقى جۇمىس ورنى» جوباسى بويىنشا – 1,4 مىڭ ادام;
- «ۇرپاقتار كەلىسىمشارتى» جوباسى شەڭبەرىندە – 59 ادام جۇمىسپەن قامتىلدى.
سونىمەن قاتار ەڭبەك نارىعىندا سۇرانىسقا يە داعدىلاردى مەڭگەرتۋ ماقساتىندا ونلاين وقىتۋعا 42 مىڭ جۇمىسسىز تارتىلىپ, ونىڭ ىشىندە 39,4 مىڭى وقۋدى اياقتاعان. سونداي-اق «باستاۋ بيزنەس» جوباسى اياسىندا كاسىپكەرلىك نەگىزدەرىنە وقىتۋ باعدارلاماسىنا 26,6 مىڭ ادام قاتىسىپ, ولاردىڭ 14,4 مىڭى وقۋدى ءساتتى اياقتاپ, سەرتيفيكاتتارعا يە بولعان.
مينيسترلىكتىڭ حابارلاۋىنشا, جۇمىس بەرۋشىلەردىڭ سۇرانىسى بويىنشا كاسىپتىك وقىتۋعا 1 687 ادام جولداندى. ولاردىڭ 89-ى وقۋدى اياقتاپ, 83 ادام نەمەسە 93,3%-ى جۇمىسقا ورنالاستى. قىزمەت سالاسىن انىقتاۋعا كومەكتەسۋ ماقساتىندا 176,4 مىڭ ادام كاسىپتىك ورتالىقتاردا الەۋمەتتىك كاسىپتىك باعدارلاۋدان ءوتىپ, كەڭەس بەرۋ قىزمەتتەرىن الدى.
بۇدان بولەك, ازاماتتاردى جۇمىسقا ورنالاستىرۋ بىرنەشە باعىت بويىنشا جۇزەگە اسىرىلاتىنىن جانە ناقتى جۇمىسقا ورنالاسۋ مىندەتتى زەينەتاقى جارنالارىنىڭ اۋدارىلۋىمەن راستالاتىنىن اتاپ وتكەن ءجون. اتاپ ايتقاندا, 2025 جىلعى 1 ماۋسىمداعى دەرەك بويىنشا:
- حالىقتى جۇمىسپەن قامتۋعا جاردەمدەسۋدىڭ بەلسەندى شارالارى شەڭبەرىندە – 100 مىڭ ادام;
- ەلەكتروندىق ەڭبەك بيرجاسىندا جۇمىس بەرۋشىلەر ۇسىنعان بوس ورىندار ارقىلى – 44,7 مىڭ ادام;
- مەملەكەت باسشىسىنىڭ «10 مىڭ تۇرعىنعا 100 جۇمىس ورنى» باستاماسى اياسىندا – 44,8 مىڭ ادام;
- ورتالىق مەملەكەتتىك ورگانداردىڭ جوبالارى ارقىلى – 1,1 مىڭ ادام جۇمىسقا ورنالاستى.
«سونىمەن قاتار, جاڭا بيزنەس-باستامالاردى قولداۋ ماقساتىندا 2025 جىلى حالىقتىڭ الەۋمەتتىك وسال ساناتتارىنا 400 اەك (1 572 800 تەڭگە) كولەمىنە دەيىن 9 مىڭ گرانت بەرۋ جوسپارلانعان. وسىعان بايلانىستى, 2025 جىلعى 21 مامىر مەن 3 ماۋسىم ارالىعىندا «Business.Enbek» پورتالىندا گرانت الۋعا ۇمىتكەرلەردەن ءوتىنىم قابىلداۋدىڭ ءبىرىنشى لەگى جۇزەگە اسىرىلدى. ناتيجەسىندە بارلىعى 11 479 ءوتىنىش تىركەلدى», دەلىنگەن حابارلامادا.
