فوتو: gov.kz
بايقاۋعا قازاقستاننىڭ كەز كەلگەن ءجۋرناليسى قاتىسا الادى. كونكۋرس استانا قالاسىنىڭ كوممۋنيكاتسيالار قىزمەتى ىشكى ساياسات باسقارماسىنىڭ قولداۋىمەن ۇيىمداستىرىلادى.
بايقاۋعا 2025 جىلعى 1 قاڭتار مەن 2025 جىلعى 16 ماۋسىم ارالىعىندا مەملەكەتتىك نەمەسە ورىس تىلىندە جاريالانعان, ەفيرگە شىققان ماتەريالدار قابىلدانادى. قاتىسۋشى تەك ءبىر نوميناتسيا بويىنشا ءبىر عانا ماتەريال ۇسىنا الادى.
بايقاۋ كەلەسى نوميناتسيالار بويىنشا وتكىزىلەدى:
1. «ۇزدىك جۋرناليست-ساراپشى» – اسسامبلەيانىڭ 30 جىلدىعى اياسىندا ەلورداداعى قازاقستان حالقى اسسامبلەياسىنىڭ قىزمەتى تۋرالى باسپا باسىلىمداردا جاريالانعان اناليتيكالىق ماتەريالدار;
2. «ۇزدىك شولۋشى» – ينتەرنەت-باسىلىمداردا جاريالانعان, استانا قالاسىنىڭ الەۋمەتتىك-ەكونوميكالىق دامۋىن سيپاتتايتىن ماتەريالدار, سونداي-اق زاڭدىلىق, قوعامدىق ءتارتىپ, ۆانداليزم, ناشاقورلىق, قۇمار ويىنعا تاۋەلدىلىك جانە ەلورداداعى وزگە دە الەۋمەتتىك تۇيتكىلدەرگە قاتىستى ماسەلەلەردى قامتيتىن جاريالانىمدار قاراستىرىلادى;
3. «ۇزدىك راديورەپورتاج» – استانا تۋرالى راديوسيۋجەتتەر;
4. «ۇزدىك تەلەسيۋجەت» – بۇل اتالىم قالانىڭ تىنىس-تىرشىلىگىنە ارنالعان ماتەريالداردى قامتۋى ءتيىس. اتاپ ايتقاندا, ۋربانيستيكا ماسەلەلەرى, قوعامدىق ءتارتىپتى ساقتاۋ, سونداي-اق ۆانداليزم, ناشاقورلىق, قۇمار ويىنعا تاۋەلدىلىك جانە قالالىق ورتاداعى وزگە دە كەلەڭسىز كورىنىستەردىڭ الدىن الۋ مەن ولاردى بولدىرماۋ تاقىرىپتارى قوزعالعان تەلەسيۋجەتتەر قاراستىرىلادى.
5. «ۇزدىك موبيلوگراف» – مەگاپوليس ومىرىنەن اەروتۇسىرىلىم قولدانىلعان بەينەروليكتەر;
6. «ۇزدىك فوتورەپورتاج» – استاناداعى «تازا قازاقستان» ەكولوگيالىق باستاماسىنىڭ جۇزەگە اسىرىلۋىن بەينەلەيتىن فوتوسۋرەتتەر;
7. «جۇمىسشى ماماندىقتار جىلى» ارنايى نوميناتسياسى – الەۋمەتتىك جەلىلەردە جاريالانعان ۇزدىك ماتەريالدار.
Facebook, Instagram جانە TikTok جەلىلەرىندەگى تانىمال توپتار مەن پابليكتەر دە قاتىسۋ ءۇشىن ءوتىنىم بەرە الادى.
نوميناتسيالار بويىنشا جەڭىمپازداردى بەلگىلى جۋرناليستەر, مەديا ساراپشىلار جانە سالانىڭ بەدەلدى وكىلدەرىنەن قۇرالعان كونكۋرستىق كوميسسيا انىقتايدى.
ەڭ ۇزدىك جۇمىستار اقشالاي سەرتيفيكاتتارمەن ماراپاتتالادى. ءبىرىنشى ورىن يەگەرىنە – 1 000 000 تەڭگە, ەكىنشى ورىنعا – 700 000 تەڭگە, ءۇشىنشى ورىنعا – 500 000 تەڭگە كولەمىندە جۇلدە تاعايىندالادى.
وتىنىمدەر 2025 جىلعى 16 ماۋسىمعا دەيىن قابىلدانادى.
ەلەكتروندى پوشتا: baq.baikauy@gmail.com; ۇيىمداستىرۋ كوميتەتىنىڭ بايلانىس ءنومىرى: 8 778 603 90 94.
