«قازاتومونەركاسىپ» ۇلتتىق كومپانياسىنىڭ باسشىسى تاعايىندالدى

استانا. 6 مامىر. اسقار جۇماعاليەۆ «قازاتومونەركاسىپ ۇلتتىق اتوم كومپانياسى» اق-نىڭ باسشىسى بولىپ تاعايىندالدى. بۇل تۋرالى كومپانيانىڭ ءباسپاسوز قىزمەتى حابارلادى. اسقار جۇماعاليەۆ 1972 جىلى 2 تامىزدا رەسەيدىڭ ورىنبور وبلىسىندا تۋعان. سۆەردلوۆ سۋۆوروۆ اسكەري ۋچيليششەسىن, راكەتا اسكەرىنىڭ حاركوۆ جوعارى اسكەري كوماندالىق-ينجەنەرلىك ۋچيليششەسىن, الماتى قالاسى ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىنىڭ تەحنيكا فاكۋلتەتىن راديوبايلانىس, راديوتاراتۋ جانە تەلەديدار ماماندىعى بويىنشا, قازاق گۋمانيتارلىق-زاڭ اكادەمياسىنىڭ زاڭ فاكۋلتەتىن «زاڭتانۋ» ماماندىعى بويىنشا جانە شۆەيتساريالىق فەدەراتيۆتىك تەحنولوگيالار ينستيتۋتىن ەلەكتروندىق باسقارۋ جونىندەگى شەبەر ماماندىعى بويىنشا بىتىرگەن. اسقار قۋانىش ۇلى بىرقاتار مەملەكەتتىك لاۋازىمدى قىزمەتتەردى ابىرويمەن اتقاردى. سوڭعى قىزمەتى – ينۆەستيتسيالار جانە دامۋ ءمينيسترىنىڭ ورىنباسارى. «قۇرمەت» وردەنىنىڭ يەگەرى. «قازاتومونەركاسىپ» ۇلتتىق اتوم كومپانياسى قازاقستاننىڭ ۋران جانە وزگە مەتالداردى ەكسپورتتاۋ جونىندەگى ۇلتتىق وپەراتورى. كومپانيانىڭ 100% اكتسياسى مەملەكەتكە تيەسىلى. ۇلتتىق كومپانيانىڭ جالعىز اكتسيونەرى – «سامۇرىق-قازىنا» ۇلتتىق ءال-اۋقات قورى» اق. ەلامان قوڭىر. دەرەك: «قازاتومونەركاسىپ» كومپانياسىنىڭ ءباسپاسوز قىزمەتى. سۋرەت: kapital.kz.