فوتو: ۇلتتىق ەكونوميكا مينيسترلىگى
جەڭىلدەتىلگەن نەسيە وڭدەۋ ونەركاسىبى, كولىك جانە قويمالاۋ, تۋريزم, ءبىلىم بەرۋ, دەنساۋلىق ساقتاۋ سالالالارىنا بەت بۇرعان كاسىپكەرلەرگە بەرىلەدى. تۇپكى قارىز الۋشى ءۇشىن سىياقى مولشەرلەمەسى جىلدىق 12,6% -دان اسپايدى.
باعدارلاما بويىنشا جالپى قاراجات كولەمى 750 ملرد تەڭگە بولادى, ونىڭ 300 ملرد تەڭگەسىن قور بولەدى, ال 450 ملرد تەڭگە ەكىنشى دەڭگەيلى بانكتەر تاراپىنان بىرلەسىپ قارجىلاندىرۋ اياسىندا تارتىلادى.
«ورلەۋ» باعدارلاماسى ينۆەستيتسيالىق ماقساتتارعا جەڭىلدىكتى قارىز بەرۋدى, اينالىم قاراجاتىن تولىقتىرۋدى جانە 2025 جىلعى 1 قاڭتاردان باستاپ بەرىلگەن قولدانىستاعى كرەديتتەردى قايتا قارجىلاندىرۋدى كوزدەيدى.
نەگىزگى شارتتار:
• قارىزدىڭ ەڭ جوعارى سوماسى – ينۆەستيتسياعا 7 ملرد تەڭگەگە دەيىن, اينالىم قاراجاتىنا 3,5 ملرد تەڭگەگە دەيىن;
• سىياقى مولشەرلەمەسى – جىلدىق 12,6% -دان اسپايدى;
• قارجىلاندىرۋ مەرزىمى: ينۆەستيتسيالىق ماقساتتارعا 10 جىلعا دەيىن, اينالىم قاراجاتىن تولىقتىرۋعا 3 جىلدان اسپايدى, كرەديتتەردى قايتا قارجىلاندىرۋعا قارجىلاندىرىلاتىن بەرەشەك مەرزىمىنىڭ قالدىعىنان ارتىق ەمەس.
«ورلەۋ» باعدارلاماسىنا قاتىسۋ ءۇشىن كاسىپكەرلەر تىكەلەي نەسيە بەرۋشىلەرگە جۇگىنۋى قاجەت. قازىرگى كەزەڭدە Freedom Bank, تسەنتركرەديت بانكى جانە Halyk bank-پەن ءتيىستى كەلىسىمدەرگە قول قويىلدى.
