مۋزەي باسشىسى گۇلبانۋ سارسەكەيدىڭ ايتۋىنشا, كەزىندە گۇلنار مىرجاقىپقىزى اتالعان مۋزەيدىڭ اشىلۋىنا كوپ ەڭبەك سىڭىرگەن عازيز ءامىرحان ۇلىنا 106 الاش قايراتكەرىنىڭ فوتوسۋرەتىن, سونىمەن قاتار اكەسىنىڭ كوزى تىرىسىندە تۇتىنعان كوپتەگەن بۇيىمدى بەرگەن.
گۇلنار اپاي تاپسىرعان جادىگەرلەر قاتارىندا 1914 جىلى قازان قالاسىنان ەكىنشى رەت باسىلىپ شىققان «باقىتسىز جامال» رومانىنىڭ تۇپنۇسقاسى, مىرجاقىپتىڭ «احمەد بايتۋرسۋنوۆيچ بايتۋرسۋنوۆ» اتتى بيوگرافيالىق وچەركىنىڭ قولجازبا نۇسقاسى بار. وچەرك ورىس تىلىندە جازىلعان.
ء«بىزدىڭ مۋزەيدە كەزىندە مىرجاقىپتىڭ ۇيىندە تۇرعان بىرقاتار جيھاز, تۇرمىستىق بۇيىمدار ساقتالعان. سونىڭ ىشىندە عاينيجامال انامىزدىڭ توركىنىنەن كەلگەن اس ۇستەلىنىڭ ءجونى بولەك. الاش قايراتكەرلەرى وسى ۇستەلدىڭ باسىندا ءجيى باس قوسىپ, ءدام تاتىپ, كەڭەس قۇرعان. سونداي-اق مىرجاقىپتىڭ كىتاپ قوياتىن تۋمباسى, جول سومكەسى, بالالارىنىڭ شاشىن الاتىن ماشىڭكەسى, ۇلى الىبەكتىڭ كۇمىسپەن شەكەلەتكەن كىسە بەلبەۋى, عاينيجامال انامىزدىڭ شاينەگى مەن كۇمىس قاسىعى, اشەكەي بۇيىمدارىن ساقتايتىن قوبديشاسى, سول ءۇيدىڭ قول جۋعىشى مەن سۇلگىسى, گۇلنار مىرجاقىپقىزىنىڭ التى ايلىعىنان قالعان جورگەگى, كەيىن پايدالانعان جازۋ ماشىڭكەسى بار», دەيدى گۇلبانۋ سارسەكەي.
الماعايىپ زاماننان امان جەتكەن قۇندى جادىگەرلەر الپىس جىل بويى ماسكەۋ قالاسىندا ساقتالىپتى. مۋزەي ديرەكتورىنىڭ سوزىنشە, مىرجاقىپ 1928 جىلدىڭ اياعىندا قىزىلوردا قالاسىندا قاماۋعا الىنادى. عاينيجامال دۋلاتوۆا سول كەزدە ۇيىندەگى ءبىراز دۇنيەنى تاتار كورشىسى ارقىلى ماسكەۋگە جىبەرگەن. سول كەزدە 12 جاستا بولعان گۇلنار اپاي قارا شاڭىراقتاعى قاستەرلى دۇنيەلەر جوعالىپ كەتپەس ءۇشىن الپىس جىل بويى اي سايىن ماسكەۋگە اقشا اۋدارىپ وتىرعان.
قوستاناي وبلىسى
