فوتو: جوعارعى سوت
قاندى وقيعا 2024 جىلدىڭ 17 جەلتوقسانىندا ساليان اۋدانىنا قاراستى ەني ۋلۋحانلى اۋىلىندا بولعان. تەرگەۋ ماتەريالدارىنا سايكەس, وتباسىنداعى جانجال كەزىندە ءجاسوسپىرىم اڭشى مىلتىعىن پايدالانىپ, ءوز اكەسىن اتىپ ولتىرگەن. قىلمىستىڭ ءىزىن جاسىرۋ ماقساتىندا ءمايىتتى بولشەكتەپ, اۋىل ىرگەسىندەگى كوللەكتورعا تاستاعان.
وقيعادان كەيىن, 2024 جىلدىڭ 19 جەلتوقسانىندا اكەسىنىڭ جوعالعانى تۋرالى پوليتسياعا رەسمي ارىز تۇستكەن. جەدەل-ىزدەستىرۋ شارالارى بارىسىندا ونىڭ بولشەكتەلگەن دەنەسى تابىلىپ, تەرگەۋ جۇمىستارى باستالعان.
تەرگەۋدىڭ العاشقى كەزەڭىندە مارقۇمنىڭ ايەلى كىنانى وزىنە الىپ, كۇيەۋىن ءوزى ولتىرگەنىن مالىمدەگەن. الايدا تەرگەۋ بارىسىندا جينالعان دالەلدەر مەن ساراپتامالار وقيعانىڭ مۇلدە باسقاشا وربىگەنىن كورسەتكەن. ياعني, قىلمىستى جاساعان ادام ايەلى ەمەس, ولاردىڭ ۇلى بولىپ شىققان.
سوتتا ءجاسوسپىرىمنىڭ كىناسى دالەلدەنىپ, 10 جىلعا باس بوستاندىعىنان ايىرىلعان.
سوت ۇكىمى زاڭدى كۇشىنە ەندى.
