فوتو: adebiportal.kz
ماقسوت ءىزىم ۇلى ۇزاق جىلدار بويى بۇقارالىق اقپارات قۇرالدارىندا جەمىستى ەڭبەك ەتتى. ول «ورال ءوڭىرى», «انا ءتىلى», «تەمىرجولشى – جەلەزنودوروجنيك», «ارۋانا» سىندى باسىلىمداردا, سونداي-اق «زەردە», «جالىن» جۋرنالدارى مەن «قازاق ەنتسيكلوپەدياسى» رەداكتسياسىندا قىزمەت اتقارعان. «ارىس» باسپاسىنىڭ باس رەداكتورى جانە «استانا اقشامى» گازەتىنىڭ ادەبي رەداكتورى بولعان.
ماقسوت ءىزىم ۇلى — «اياقتالمايتىن اڭگىمە» جانە «بەدەرىندەي كەستەنىڭ» اتتى پروزالىق جيناقتاردىڭ اۆتورى. 2004 جىلى ونىڭ شىعارماسى قر مادەنيەت جانە اقپارات مينيسترلىگىنىڭ تاپسىرىسىمەن جارىق كورگەن «نارىق ناقىشتارى» انتولوگياسىنا ەنگەن.
جۋرناليستيكا مەن ادەبيەتكە وزىندىك قولتاڭباسىن قالدىرعان قالامگەردىڭ جارقىن بەينەسى ەل جادىندا ساقتالادى.
جانەل تولەۋبەكوۆا, ەۇۋ ستۋدەنتى
