كەشە ورتالىق كوممۋنيكاتسيالار قىزمەتىندە «ۇلكەن ەل – ۇلكەن وتباسى» قازاقستان حالقى اسسامبلەياسىنىڭ اۋقىمدى جوباسىن ازىرلەۋ جانە جۇزەگە اسىرۋ جونىندە» ءباسپاسوز ءماسليحاتى ءوتتى. وعان قازاقستان حالقى اسسامبلەياسى كەڭەسىنىڭ مۇشەسى, ەكونوميكا عىلىمدارىنىڭ دوكتورى اناتولي باشماكوۆ, پرەزيدەنت جانىنداعى «قوعامدىق كەلىسىم» رەسپۋبليكالىق مەملەكەتتىك مەكەمەسىنىڭ ديرەكتورى ناتاليا كالاشنيكوۆا جانە وسى مەكەمە ديرەكتورىنىڭ ورىنباسارى عازيز تەلەباەۆ قاتىستى.
اتالمىش جوبانى جۇزەگە اسىرۋعا بەلسەندى اتسالىسىپ جاتقان «قوعامدىق كەلىسىم» مەكەمەسىنىڭ وكىلدەرىنىڭ ايتۋىنشا, شارانى حالىقتىق جوباعا اينالدىرۋ تاسىلدەرى مادەنيەت جانە سپورت مينيسترلىگىمەن كەلىسىلىپ تالقىلانىپ جاتىر. بۇل شاراعا ەلىمىزدەگى 900 ەتنومادەني بىرلەستىك قاتىسادى. وسى جونىندە پرەزيدەنت جانىنداعى «قوعامدىق كەلىسىم» رمم ديرەكتورى ناتاليا كالاشنيكوۆا: «ۇلكەن ەل – ۇلكەن وتباسى» ۇزاق مەرزىمدى جوبا. قازىرگى ۋاقىتتا بۇل جوبانىڭ جوسپارىنا ەنگىزىلەتىن شارالار جونىندەگى ماسەلەلەر تالقىلانۋدا. ولاردىڭ بىرنەشەۋىن اتاپ وتەيىن, «قازاق حالقىنا جəنە ءبىر-بىرىمىزگە العىس كۇنى», əلەۋمەتتىك كومەك كورسەتۋگە باعىتتالعان «قايىرىمدىلىق كەرۋەنى» جانە «جىبەك جولىن» زەرتتەۋگە بايلانىستى ۇلكەن جوبالار. بۇل جوبالاردىڭ بارلىعى سايكەسىنشە قارجىلاندىرىلادى. ال ءبىر ەرەكشەلىگى وعان ەتنومəدەني ورتالىقتار مەن قحا-نىڭ قوعامدىق بولىمشەلەرىنىڭ جەتەكشىلەرى دە تارتىلادى, – دەدى. اۋقىمدى جوبا اياسىندا جىل سوڭىنا دەيىن 12 جوبا ىسكە اسىرىلاتىندىعىن ايتقان ول: «ونىڭ ءبىرىنشىسى – 6-7 تامىز كۇندەرى وتەتىن مەدياتسيا ورتالىعىنىڭ كەڭەيتىلگەن وتىرىسى. الداعى ۋاقىتتا قحا باستاماسىمەن اتالمىش الاڭدا حالىقارالىق مەدياتسيا ورتالىعىن قۇرۋ جوسپارلانۋدا, – دەدى. ايتا كەتەيىك, «ۇلكەن ەل – ۇلكەن وتباسى» جوباسىن ەلباسى «100 ناقتى قادامنىڭ» 86-شى قادامىندا تاپسىرعان بولاتىن. ن.كالاشنيكوۆانىڭ ايتۋىنشا, بۇل جوبا حالقىمىزدىڭ بىرتەكتىلىگىن قالىپتاستىرۋعا باعىتتالعان. ودان كەيىن ءسوز العان «قوعامدىق كەلىسىم» رمم ديرەكتورىنىڭ ورىنباسارى عازيز تەلەباەۆ: «ءبارىمىز ءبىر ۇيىم رەتىندە ۇيىسىپ, ۇجىمداسىپ, ءبىر-ءبىرىمىزدى باۋىر رەتىندە قابىلداساق, سوندا عانا ءبىز ۇلكەن وتباسى بولا الامىز. ۇلكەن وتباسىندا ءبارى ءبىرىن-ءبىرى سىيلايدى, قۇرمەتتەيدى. ول دەربەس ينستيتۋت بولادى. ونىڭ باستى مىندەتى – بەلگىلى ءبىر قايشىلىقتار مەن داۋ-دامايلاردى بولدىرماۋدىڭ قۇرالدارى مەن تەتىكتەرىن ىزدەۋ. ءبىز قازىر قاراما-قايشىلىقتار تۋىنداعان جاعدايدا ولاردى شەشە الاتىن اقساقالدار كەڭەسىن قۇرۋىمىز قاجەت. سونىمەن بىرگە, ءبىز «قازاقستان ەنتسيكلوپەدياسى» ينتەرنەت پورتالىن اشۋمەن قاتار, ەلىمىزدىڭ وڭىرلەرىندە ەتنو-اۋىلدار قۇرۋدى جانە ۇلتتىق مۋزەيدەن «قازاقستان كوپ ۇلتتىلىعىنىڭ تاريحى», «قحا تاريحى» زالىن اشۋدى دا كوزدەپ وتىرمىز», – دەدى.
راۋشان تاۋىرحانقىزى, جۋرناليست.
