اسكەري ءبولىم باسشىلىعىنىڭ ايتۋىنشا, گرانتتار جاۋىنگەرلىك, تارتىپتىك جانە وقۋ دايىندىعىندا ۇزدىك ناتيجە كورسەتكەن ساربازدارعا بەرىلىپ وتىر. ءار ساربازدىڭ جەتىستىگى كۇندەلىكتى باقىلاۋعا الىنىپ, ارنايى جۋرنالداردا تىركەلەدى. جۇيەلى تۇردە جۇرگىزىلەتىن رەيتينگ ناتيجەسى ەلەكتروندىق فورماتتا ساراپتالىپ, شەشىم ءادىل تۇردە قابىلدانادى.
– گرانت يەگەرلەرى – ازاماتتىق بورىشىن ابىرويمەن وتەپ, اسكەري دايىندىقتا جوعارى كورسەتكىشكە قول جەتكىزگەن جاستار. بيىل وسىنداي مۇمكىندىككە 21 سارباز يە بولدى. ولار ۇلتتىق بىرىڭعاي تەستىلەۋدەن وتپەستەن-اق ەلىمىزدىڭ بەدەلدى ۋنيۆەرسيتەتتەرىنە تۇسە الادى, — دەيدى ءبولىم كومانديرىنىڭ ورىنباسارى داۋرەن راحىمبەكوۆ.
ءبىلىم گرانتىنا يە بولعان ساربازدىڭ ءبىرى — عالىمجان كوشەر. ول «سروچنيك.02» باعدارلاماسى ارقىلى ءوز ارمانداعان وقۋ ورنىنا ءتۇسۋ مۇمكىندىگىنە يە بولعان.
– ۇلتتىق ۇلاندا قىزمەت ەتە ءجۇرىپ, ءوز بولاشاعىما ناقتى قادام جاسادىم. بۇل مۇمكىندىك ءۇشىن كومانديرلەرىمە زور العىس بىلدىرەمىن. مەن «Astana IT University» وقۋ ورنىن تاڭداپ وتىرمىن, – دەيدى قاتارداعى جاۋىنگەر.
باتىس قازاقستان وبلىسى
