فوتو: Polisia.kz
قوستانايدا وتكەن حالىقپەن كەزدەسۋدە وبلىستىق پوليتسيا دەپارتامەنتى باستىعى ەرلان فايزۋللين 2025 جىلدىڭ العاشقى ءتورت ايىنداعى جۇمىس قورىتىندىسىن باياندادى. ونىڭ ايتۋىنشا, 45 كەلىدەن استام ەسىرتكى تاركىلەنىپ, 8 زاڭسىز زەرتحانا جويىلعان. 96 ادام قىلمىستىق جاۋاپكەرشىلىككە تارتىلعان. وتباسىلىق زورلىق-زومبىلىق فاكتىلەرى كوبەيگەنىمەن, 2000-نان استام اگرەسسور جاۋاپقا تارتىلىپ, قورعاۋ شارالارى قابىلدانعان. جاسوسپىرىمدەر اراسىنداعى قۇقىق بۇزۋشىلىق 27%-عا تومەندەگەن. ال جول-كولىك وقيعالارى ءتورت ەسە ءوسىپ, 492 ادام زارداپ شەككەن.
Polisia.kz حابارلاۋىنشا وبلىستا 1000-نان اسا بەينەكامەرا جۇمىس ىستەيدى, جاساندى ينتەللەكت پيلوتتىق رەجيمدە قولدانىلا باستادى. اتتى پوليتسيا جاساعىنىڭ ورنىنا ەندى دروندار قولدانىلادى.
