فوتو: اشىق دەرەككوز
«اتامەكەن» ۇلتتىق كاسىپكەرلەر پالاتاسى تورالقاسىنىڭ توراعاسى رايىمبەك باتالوۆ قازىرگى ۋاقىتتا ءتۇرلى سالالىق مەملەكەتتىك ورگاندار مەن كۆازيمەملەكەتتىك كومپانيالاردىڭ ءارتۇرلى اقپاراتتىق جۇيەلەرگە سۇيەنەتىنىن اتاپ ءوتتى. بۇل جاعداي بيزنەستىڭ جۇمىسىن قيىنداتىپ, اقپاراتقا قولجەتىمدىلىكتى تەجەيدى.
سونىمەن قاتار رايىمبەك باتالوۆ جالپى قابىلدانعان شارالاردىڭ, ونىڭ ىشىندە ۇلتتىق رەجيمنەن بوساتۋدىڭ وڭدەۋشى ونەركاسىپكە وڭ اسەرىن تيگىزگەنىن اتاپ ءوتىپ, بۇل شەشىم ءۇشىن بيزنەس اتىنان العىس ايتتى.
ء«بارىمىز دە ورتاق ءىستى اتقارىپ وتىرمىز, ءوتو-نى جۇمىسقا تارتامىز, تەك تاسىلدەرىمىز ءارتۇرلى. بيزنەس ءۇشىن مۇنىڭ ءبارى ءارتۇرلى اقپاراتتىق جۇيەلەردى ىزدەۋ جانە باعدارلانۋ قيىن. وسىعان بايلانىستى, تاۋارلاردى, جۇمىستار مەن قىزمەتتەردى, ونىڭ ىشىندە ينجينيرينگتىك قىزمەتتەردى قولداۋ ارقىلى اشىقتىق پەن وبەكتيۆتىلىك ءۇشىن ۇلتتىق ەكونوميكا مينيسترلىگى بەكىتەتىن جانە ازىرلەيتىن بيزنەستىڭ تسيفرلىق كارتاسىندا جاڭا تاسىلدەردى پىسىقتاۋدى ۇسىنامىز. ءبىز مۇنىڭ ءبارىن ءبىر مودۋلگە, ياعني «ماتريتسا» مودۋلىنە اينالدىرۋدى ۇسىنامىز. جەر قويناۋىن پايدالانۋشىلاردىڭ gmk.eoz پلاتفورماسىنىڭ ساتىپ الۋى مىسالىن پايدالانامىز», دەدى رايىمبەك باتالوۆ.
بۇل رەتتە پرەمەر-مينيستر تاۋار وندىرۋشىلەردىڭ تىزىلىمىنە كىرۋ مەحانيزمىن جاڭعىرتىپ, ونى بيزنەسكە ىڭعايلى ەتۋ قاجەتتىگىن اتاپ ءوتتى.
