فوتو: اشىق دەرەككوز
اقتوبە وبلىسىندا شۇبارقۇدىق اۋىلى ماڭىنداعى ويىل وزەنىنىڭ بويىندا 2009 جىلى تۋعان ءجاسوسپىرىم مال باعىپ جۇرگەن كەزىندە سۋعا كەتكەن. بالانىڭ جانىندا وتباسى مۇشەلەرى بولعان. وبلىستىق توتەنشە جاعدايلار دەپارتامەنتىنىڭ مالىمەتىنشە, بوزبالا جانۋارلاردى سۋارىپ جۇرگەن كەزدە ءوزى دە سۋعا تۇسكەن جانە قايتا شىعا الماعان.
پاۆلودار وبلىسىندا دا ءدال سول جاستاعى ءجاسوسپىرىم سۋعا كەتىپ, دەنەسى ارنا تۇبىنەن تابىلعان. قايعىلى جاعداي 2 ماۋسىم كۇنى ساعات 17:00 شاماسىندا ەكىباستۇز قالاسىنا قاراستى اقكول اۋىلىندا بولعان.
وبلىستىق تجد مالىمەتىنشە, ءجاسوسپىرىم سۋعا شومىلۋعا تىيىم سالىنعان جەردە سۋعا تۇسكەن. قۇتقارۋشىلار 15:40-تا تۇسكەن حابارلامادان كەيىن ىزدەستىرۋ جۇمىستارىن جۇرگىزىپ, سۋ استىنا سۇڭگۋ بارىسىندا بالانىڭ دەنەسىن تاپقان.
ايتا كەتەيىك, پاۆلودار قالاسىندا 3 ماۋسىمنان باستاپ شومىلۋ ماۋسىمى رەسمي تۇردە اشىلدى. قالادا ەكى كوممۋنالدىق جاعاجاي دايىندالعان.
