جاسوسپىرىمدەرگە ارنالعان بۇل مەديانى Qalam كومانداسى جۇرگىزىپ وتىر. Qalam – قازاقستان, ورتالىق ازيا, تۇركى الەمىنىڭ تاريحى مەن مادەنيەتى تۋرالى تانىمال جوبا.
QalamBalam وقۋشىلار ءجيى پايدالاناتىن TikTok جانە YouTube جەلىلەرىندە كونتەنت ۇسىنادى. قازاق جانە ورىس تىلدەرىندەگى ۆيدەولاردا اۆتورلار عىلىمي دالدىكپەن, ازىلمەن قىزىقتىرىپ اكەتىپ, كۇردەلى تاقىرىپتاردى جەڭىل تىلمەن بايانداپ بەرەدى. ماسەلەن, QalamBalam كونتەنتىندە قازىرگى قازاقستان جەرىندە ءبىر كەزدەرى ءومىر سۇرگەن دينوزاۆرلار, ورتا عاسىرلارداعى بالالاردىڭ ءومىرى, بايىرعى داۋىردەگى ويىنشىقتار, ساعىز تاريحى, بۇرىنعىنىڭ ادامدارى ويناعان دوپتار سەكىلدى سان ءتۇرلى تاقىرىپ بار.
مەديا جۇمىسىنداعى باستى فورماتتاردىڭ ءبىرى – تاريح تۋرالى ۆيدەو وقۋلىق. مۇندا اۆتورلار كەز كەلگەن تاقىرىپتى 5 مينۋت ىشىندە تالداپ, تارقاتىپ, ءتۇسىندىرىپ بەرەدى. ۆيدەو وقۋلىق – مەكتەپ باعدارلاماسىن بەيىمدەپ ۇسىنۋ ەمەس, ءجاسوسپىرىم اۋديتوريا ءۇشىن ارنايى ازىرلەنگەن تاريحي ستوريتەللينگتىڭ جاڭا ءتۇرى.
- رەسمي دەرەكتەرگە سايكەس, قازاقستاندا 17 جاسقا دەيىنگى 6,8 ميلليون بالا بار. ونىڭ ىشىندە 3 ميلليوننان استامى الفا ۇرپاعىنا كىرەدى. بۇگىنگى كۇنى وسى اۋديتوريا تەز تابۋعا بولاتىن قىزىقتى ءبىلىمي كونتەنتكە قول جەتكىزە الماي وتىر. ءبىز وسى جاعدايدى وزگەرتكىمىز كەلەدى. ءوز مىندەتىمىزدى بالالارعا الەمدى تانۋعا, تۇسىنۋگە جانە سۇراق قويۋدان قورىقپاۋعا كومەكتەسۋ دەپ بىلەمىز. ءبىز ۇيرەنشىكتى جولمەن وقىتپايمىز, ءبىز وقۋشىنىڭ قىزىق اقپاراتتى بىلۋگە دەگەن اۋەستىگىن وياتقىمىز كەلەدى, – دەيدى QalamBalam كومانداسى.
جوبا اياسىندا عالىمداردان, پەداگوگتاردان, جۋرناليستەردەن تۇراتىن توپ جۇمىس ىستەيدى. QalamBalam ايماقتاعى بالالار مەن جاسوسپىرىمدەرگە ارنالعان ەڭ ءىرى ءبىلىم ۆيدەوكىتاپحاناسىن جيناپ, جاس زەرتتەۋشىلەر قاۋىمداستىعىن قالىپتاستىرۋدى جوسپارلاپ وتىر.
Qalam – قازاقستان, ورتالىق ازيا جانە تۇركى الەمىنىڭ تاريحى مەن مادەنيەتىنە ارنالعان مۋلتيمەديالىق جوبا. جوبادا حالىقارالىق زەرتتەۋشىلەر كومانداسى جۇمىس ىستەيدى. Qalam-دى قازاق, ورىس جانە اعىلشىن تىلدەرىندە وقۋعا بولادى.
Qalam Balam – Qalam كومانداسى اشقان, بالالار مەن جاسوسپىرىمدەرگە ارنالعان جاڭا تسيفرلىق مەديا.
