فوتو: egemen.kz/ ەرلان ومار
جوبا تۇرعىنداردىڭ تۇرمىس ساپاسىن جاقسارتۋعا جانە اۋىلدىق جەرلەردە ينفراقۇرىلىم قۇرۋعا باعىتتالعان. بارلىق جۇمىس اياقتالعان سوڭ جاڭاارقا اۋدانىندا حالىقتى اۋىز سۋمەن قامتاماسىز ەتۋ دەڭگەيى 100% قۇرايدى.
ايماقتاعى جاڭاارقا اۋدانىنداعى ەراليەۆ اۋىلدىق وكرۋگى مەن اقباستاۋ اۋىلىنىڭ №189 رازەزىندەگى قۇبىر قۇرىلىسىنا 274 ملن تەڭگەدەن استام قارجى بولىنگەن.
وسى اۋدانداعى بيدايىق اۋىلدىق وكرۋگىنە دە جاڭا سۋ قۇبىرىن تارتۋ جوسپارلانىپ وتىر. بۇل ماقساتقا 296 ملن تەڭگە قاراستىرىلعان.
ۇكىمەتتىڭ ءباسپاسوز قىزمەتىنىڭ مالىمەتىنشە, ەلىمىزدە سۋمەن جابدىقتاۋ قىزمەتىنە قولجەتىمدىلىك قالالىق ەلدى مەكەندەردە 99,4%-دى, اۋىلدىق جەرلەردە – 97,8%-دى قۇرايدى.
