1 ماۋسىمدا پرەزيدەنتتىك جاستار كادر رەزەرۆىنە كەزەكتى ىرىكتەۋگە قاتىسۋ ءۇشىنpkrezerv.gov.kz سايتىندا قۇجاتتاردىقابىلداۋ باستالدى. قۇجاتتار 30 ماۋسىمعا دەيىن قابىلدانادى.
ىرىكتەۋگە جاسى 35-تەن اسپاعان, جوعارى ءبىلىمى جانە كەمىندە 5 جىل ەڭبەك ءوتىلى بار, مەملەكەتتىك ءتىلدى ۆ1 دەڭگەيىنەن تومەن ەمەس مەڭگەرگەن قازاقستان رەسپۋبليكاسىنىڭ ازاماتى قاتىسا الادى.
ىرىكتەۋ كەلەسى باعىتتار بويىنشا جۇرگىزىلەدى:
• الەۋمەتتىك ساياسات جانە ازاماتتىق قوعام;
• ينفراقۇرىلىمدى, ونەركاسىپتى دامىتۋ جانە ساۋدا ساياساتى;
• ەكونوميكالىق جانە قارجىلىق ساياسات;
• تسيفرلاندىرۋ;
• اگروونەركاسىپتىك كەشەن جانە قورشاعان ورتانى قورعاۋ;
• سىرتقى ساياسات جانە ينۆەستيتسيالار.
تىركەۋ كەزىندە كانديدات رەزەرۆكە الىنعان جاعدايدا ەڭبەك قىزمەتىن جۇزەگە اسىرعىسى كەلەتىن سالالىق باعىتتى تاڭداۋى كەرەك. ءاربىر سالالىق باعىت ءۇشىن رەزەرۆكە الۋ كۆوتاسى كوزدەلەدى. بۇل رەتتە, كانديداتتاردىڭ ءار باعىت بويىنشا بىركەلكى سانىن ۇستاپ تۇرۋ ماقساتىندا رەزەرۆكە ىرىكتەۋدىڭ بارلىق كەزەڭدەرىندە پروپورتسيونالدى ىرىكتەۋ قامتاماسىز ەتىلەدى.
ىرىكتەۋ 6 كەزەڭ بويىنشا وتكىزىلەدى:
• كانديداتتاردىڭ قۇجاتتارىن قابىلداۋ;
• ماتىندىك جانە ساندىق اقپاراتپەن جۇمىس ىستەۋ قابىلەتىن باعالاۋ;
• سيتۋاتسيالىق تاپسىرمالاردى شەشۋ;
• قۇزىرەتتەردى باعالاۋ;
• ساراپشىلىق كوميسسيادا كانديداتتارمەن اڭگىمەلەسۋ;
• ۇلتتىق كوميسسيانىڭ وتىرىسى.
ىرىكتەۋ قورىتىندىسى بويىنشا 50 ادام رەزەرۆكە قابىلدانادى. رەزەرۆكە الۋ تۋرالى شەشىمدى جاريالاۋ اعىمداعى جىلدىڭ 25 قازانىنان كەيىن جوسپارلانۋدا.
