فوتو: اشىق دەرەككوز
الدىن الا مالىمەت بويىنشا, 26 جاستاعى Cadillac Escalade كولىگىنىڭ جۇرگىزۋشىسى باستى جولمەن كەلە جاتقان KIA K5 ماركالى اۆتوكولىككە جول بەرمەي, سوقتىعىسقان. جول اپاتىنىڭ ۆيدەوسى الەۋمەتتىك جەلىدە تارادى.
الماتى وبلىسى پوليتسيا دەپارتامەنتىنىڭ حابارلاۋىنشا, سوقتىعىس سالدارىنان KIA K5 كولىگىنىڭ جۇرگىزۋشىسى مەن ءبىر جولاۋشىسى العان جاراقاتتارىنان اۋرۋحانادا كوز جۇمعان. ال وسى كولىكتىڭ تاعى ءبىر جولاۋشىسى, سونداي-اق Cadillac جۇرگىزۋشىسى مەن ونىڭ ءتورت جولاۋشىسى ءتۇرلى جاراقاتتارمەن اۋرۋحاناعا جاتقىزىلدى.
– قازىرگى ۋاقىتتا جول اپاتىنا بايلانىستى قر قىلمىستىق كودەكسىنىڭ 345-بابى 3-بولىگى بويىنشا (جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋ, ابايسىزدا ەكى نەمەسە ودان دا كوپ ادامنىڭ ولىمىنە اكەپ سوعۋ) قىلمىستىق ءىس قوزعالدى. قاجەتتى ساراپتامالار تاعايىندالدى, وقيعانىڭ ءمان-جايىن انىقتاۋعا باعىتتالعان تەرگەۋ امالدارى جۇرگىزىلۋدە, – دەلىنگەن ۆەدومستۆو تاراتقان اقپاراتتا.
ەسكە سالايىق, بۇعان دەيىن الماتى – بىشكەك تاس جولىنىڭ 44-شاقىرىمىندا دا اۋىر جول اپاتى تىركەلىپ, ءتورت ادامنىڭ ءومىرىن جالماعان. اپاتقا سەبەپ – جۇك كولىگىنەن اجىراپ كەتكەن تىركەمە بولعان.
جانەل تولەۋبەكوۆا, ەۇۋ ستۋدەنتى
