بىلتىر سالىنعان جاڭا مەكتەپتە 48 وقۋ كابينەتى بار: 6 ينفورماتيكا كابينەتى, 6 مۋلتيمەديالىق كابينەت, 6 پاندىك كابينەت (حيميا, فيزيكا, بيولوگيا), روبوتوتەحنيكا كابينەتى, گرافيكا جانە مودەلدەۋ كابينەتى, توكارلىق-سلەسارلىق شەبەرحانا, قىش بۇيىمدار جاساۋ كابينەتى, اسپازدىق كابينەتى, تىگىن كابينەتى جانە ت.ب. مەكتەپتە 280 ادامعا ارنالعان اكت زالى جانە 420 ورىندىق اسحانا بار.
«2024 جىلى قازان ايىندا «KAZ Minerals» كومپانياسىنىڭ كومەگىمەن جاڭا عيماراتتىڭ قۇرىلىسى اياقتالىپ, 4 قاراشادان ءبىلىم ورداسى اشىلدى. مۇندا ينفورماتيكا, روبوتوتەحنيكا, جاساندى ينتەللەكت پاندەرىنە باسىمدىلىق بەرىلىپ, تەرەڭدەتىپ وقىتادى. جاڭا سالىنعان مەكتەپ سەمەي قالاسىنداعى ەڭ ءىرى زاماناۋي جابدىقتالعان مەكتەپتەردىڭ ءبىرى. قازىرگى تاڭدا بۇل مەكتەپتە 2 000 وقۋشى ءبىلىم الىپ جاتىر. بۇگىن دە بىلىكتى ۇستازدار مەن ءبىلىمدى شاكىرتتەر قاتارى تولىعىپ, ءتۇرلى سالادا جەتىستىكتەرگە جەتىپ, مەكتەپتىڭ بەدەلىن كوتەرۋدە. بيىل مەكتەپتە العاشقى تۇرەكتەرىمىز ۇلكەن ومىرگە قانات قاقتى», دەيدى مەكتەپ ديرەكتورى ايجان قۋانىشباەۆا.
سونىمەن قاتار مەكتەپتە ءبىر ۇلكەن سپورت زال جانە باستاۋىش سىنىپ وقۋشىلارىنا ارنالعان شاعىن سپورت-ويىن زالى جابدىقتالعان. اۋماقتا فۋتبول, ۆولەيبول جانە باسكەتبول الاڭدارى, جۇگىرۋ جولى, دەمالۋعا جانە وقۋعا ارنالعان باسقا دا قۇرىلىستار سالىندى.
اباي وبلىسى
