فوتو: اشىق دەرەككوز
يزرايل بيلىگى ۆاشينگتونعا يراننىڭ يادرولىق باعدارلاماسىنا قاتىستى الاڭداۋشىلىق ءبىلدىرىپ, شابۋىل جاساۋعا دايىن ەكەندەرىن جەتكىزگەن. تەل-اۆيۆ تەگەراننىڭ ۋران بايىتۋ جۇمىستارىن تولىق توقتاتىپ, يادرولىق ينفراقۇرىلىمىن جويۋدى تالاپ ەتىپ وتىر.
يزرايل تاراپىنىڭ الاڭداۋىنا سەبەپ ترامپ اكىمشىلىگىنىڭ يرانمەن جاڭا يادرولىق كەلىسىم جاساسۋعا دەگەن ۇمتىلىسى. يزرايل مۇنداي كەلىسىم يرانعا يادرولىق قارۋعا قول جەتكىزۋ جولىن جابا المايدى دەپ ەسەپتەيدى.
وسىعان وراي, 23 مامىر كۇنى يتاليانىڭ ريم قالاسىندا يران مەن اقش اراسىنداعى يادرولىق كەلىسسوزدەردىڭ بەسىنشى كەزەڭى ءوتتى. بۇل كەزدەسۋگە ارااعايىن رەتىندە ومان مەملەكەتى دەلدالدىق ەتكەن. ومان سىرتقى ىستەر ءمينيسترى بادر ال-بۋسايدي كەلىسسوزدەردە «ناقتى, بىراق تولىق ەمەس پروگرەسس» بار ەكەنىن اتاپ ءوتتى.
يران سىرتقى ىستەر ءمينيسترىنىڭ ورىنباسارى ابباس اراگچي الداعى كەزدەسۋلەردە تەگەران مەن ۆاشينگتون ءوزارا وڭ ناتيجەلەرگە قول جەتكىزۋدى ماقسات ەتىپ وتىرعانىن مالىمدەدى.
The Axios پورتالىنىڭ مالىمەتىنشە, دونالد ترامپ يزرايل پرەمەر-ءمينيسترى بينيامين نەتانياحۋعا يرانمەن كەلىسسوزدەرگە كەدەرگى كەلتىرەتىن كەز كەلگەن اسكەري ارەكەتتەن باس تارتۋدى سۇراعان. دەگەنمەن, يزرايل تاراپى ءوزىنىڭ ۇلتتىق قاۋىپسىزدىگىنە تونەتىن قاۋىپكە قارسى تۇرۋعا دايىن ەكەنىن ءبىلدىرىپ وتىر.
