فوتولار: gharysh.kz
اكتسياعا ەلىمىزدىڭ تۇكپىر-تۇكپىرىنەن كەلگەن مەكتەپ وقۋشىلارى – پاندىك وليمپيادالاردىڭ جەڭىمپازدارى مەن الەۋمەتتىك مەكەمەلەر تاربيەلەنۋشىلەرى قاتىسىپ جاتىر.
ماڭىزدى شارالاردىڭ ءبىرى – «عارىشقا جول» جوباسى بويىنشا وتكەن ۇلتتىق عارىش ورتالىعىنا تانىمدىق ەكسكۋرسيا بولدى. ءىس-شارانى «قازاقستان عارىش ساپارى» ۇك» اق جانە ونىڭ سەرىكتەسى «Ghalam» جشس بىرلەسە ۇيىمداستىردى. وقۋشىلار كومپانيا باسشىلىعىنىڭ قۇتتىقتاۋ ءسوزىن تىڭداپ, اتالعان كومپانيانىڭ قىزمەتى تۋرالى بەينەروليك تاماشالادى. ودان كەيىن ولار عارىش اپپاراتتارىن قۇراستىرۋ-سىناق كەشەنىنە بارىپ, ناعىز وندىرىستىك ورتانىڭ قالاي جۇمىس ىستەيتىنىن كوردى.
بۇل تۋرالى gharysh.kz سايتىنىڭ جازۋىنشا ەكسكۋرسيا بارىسىندا وقۋشىلار سپۋتنيكتەردىڭ قالاي جاسالاتىنىن, قالاي سىناقتان وتەتىنىن جانە قازىرگى زامانعى عارىش تەحنولوگيالارىنىڭ نەگىزىندە نە جاتقانىن ءوز كوزدەرىمەن كوردى. ورتالىق ينجەنەرلەرى مەن ماماندارى ءوز جۇمىستارى تۋرالى ايتىپ, پروتسەستىڭ نەگىزگى كەزەڭدەرىن كورسەتتى.
ء«اربىر بالا عارىش الىس ارمان ەمەس, بۇگىندە قولجەتىمدى ناقتى ماماندىق ەكەنىن بىلسە دەيمىز», دەيدى ۇيىمداستىرۋشىلار.
ەكسكۋرسيا وقۋشىلاردىڭ تانىم كوكجيەگىن كەڭەيتىپ قانا قويماي, ناعىز شابىت كوزىنە اينالدى. كوپتەگەن بالالار بولاشاعىن ينجەنەريا, عىلىم جانە تەحنولوگيا سالالارىمەن بايلانىستىرۋ تۋرالى وي ءتۇيدى.
