فوتو: https://ortcom.kz/
وسىعان بايلانىستى سالالىق كەلىسىمگە 9.4-تارماق ەنگىزىلگەن, وعان سايكەس زەينەتكەرلىك جاسقا تولعان پەداگوگپەن ەڭبەك شارتى اتالعان نەگىز بويىنشا ونىڭ قالاۋىمەن وقۋ جىلى اياقتالعاننان كەيىن عانا بۇزىلادى. مۇنداي جاعدايلاردا قولدانىستاعى ەڭبەك شارتىنا قوسىمشا كەلىسىم رەسىمدەۋدىڭ قاجەتتىلىگى جوق.
سوعان قاراماستان زەينەت جاسىنا جەتكەن پەداگوگتاردى وقۋ جىلى اياقتالماي جاتىپ جۇمىستان بوساتۋ جاعدايلارى ءالى دە كەزدەسەدى. وسىنداي جايت جامبىل وبلىسى جۋالى اۋدانىندا بولدى. كاسىپوداقتىڭ ارالاسۋىنان كەيىن پەداگوگ جۇمىسقا قايتا ورنالاستىرىلدى. جۋالى اۋداندىق سوتىنىڭ بيىلعى جىلدىڭ 12 مامىرداعى شەشىمى مەن ۇجىمدىق شارت نورمالارىن ساقتاۋ ماسەلەسى بويىنشا ديرەكتورعا قاتىستى شىعارىلعان جەكە ۇيعارىم سالالىق كاسىپوداقتىڭ رەسمي سايتىندا جاريالاندى. جامبىل وبلىسى جۋالى اۋداندىق سوتى ازاماتتىق ءىستى قارادى. سوتقا تالاپ قويۋشى جاعىنداعى ءۇشىنشى تاراپ رەتىندە «جامبىل وبلىسى وقۋ-اعارتۋ, عىلىم جانە جوعارى ءبىلىم قىزمەتكەرلەرىنىڭ جەرگىلىكتى كاسىپتىك وداعى» قوعامدىق بىرلەستىگى پەداگوگتىڭ قۇقىعىن قورعادى. تالاپ قويۋشى:
- «№4-ءشى قۇرمانبەك ساعىندىقوۆ اتىنداعى ورتا مەكتەبى» كوممۋنالدىق مەملەكەتتىك مەكەمەسىنىڭ 2024 جىلعى 31 جەلتوقسانداعى №264 بۇيرىعىن زاڭسىز دەپ تانىپ, بۇزۋ تۋرالى.
- وسى كوممۋنالدىق مەملەكەتتىك مەكەمەسىنىڭ 2025 جىلعى 27 قاڭتارداعى №30 ساندى «№264 بۇيرىعىنا تولىقتىرۋلار ەنگىزۋ تۋرالى» بۇيرىعىن زاڭسىز دەپ تانىپ, بۇزۋ تۋرالى.
- جۇمىسىنا قايتا ورنالاستىرىپ, ءماجبۇرلى تۇردە بوس جۇرگەن ۋاقىتى ءۇشىن ورتاشا جالاقىنى ءوندىرۋ تۋرالى.
- مورالدىق زيان سوماسىن ءوندىرۋ تۋرالى تالاپ ارىزىن ءتۇسىردى.
جۋالى اۋداندىق سوتى تالاپ قويۋشىنىڭ تالاپتارىن ءىشىنارا قاناعاتتاندىرىپ, تاريح ءپانىنىڭ مۇعالىمى قىزمەتىنە قايتا ورالدى.
تالاپ قويۋشىنىڭ پايداسىنا 2024 جىلدىڭ 31 جەلتوقسانىنان 2025 جىلعى 12 مامىر ارالىعىنداعى ءماجبۇرلى تۇردە بوس جۇرگەن ۋاقىتى ءۇشىن ورتاشا جالاقىسى ياعني 2 100 328 (ەكى ميلليون ءبىر ءجۇز مىڭ ءۇش ءجۇز جيىرما سەگىز) تەڭگە سوماسى ءوندىرىلدى.
