CodiPlay: بالالارعا ارنالعان باعدارلامالاۋ الەمى
CodiPlay ەكوجۇيەسى مەكتەپ وقۋشىلارىن ويىن جانە تاجىريبە ارقىلى تسيفرلىق داعدىلارعا باۋليدى. بۇل پلاتفورما ارقىلى ولار 2021 جىلدان بەرى «اقىلدى ۇيلەر», دروندار مەن IoT قۇرىلعىلارىن جاساپ, C++, Scratch جانە Python تىلدەرىندە باعدارلامالاۋ نەگىزىن مەڭگەرىپ كەلەدى. CodiKit روبوتوتەحنيكا جيناقتارى مەن مۇعالىمدەرگە ارنالعان CodiTeach پلاتفورماسى دا جۇيەگە ەنگەن. بۇگىندە جوبا قازاقستان, وزبەكستان, ازەربايجان, وڭتۇستىك كورەيا, ۇلىبريتانيا, يندونەزيا, ساۋد ارابياسى مەن قاتاردا كەڭىنەن قولدانىلادى. 2023 جىلى CodiPlay بۇۇ قولداۋىمەن جۇمىس ىستەيتىن Digital Public Goods Alliance تاراپىنان تسيفرلىق قوعامدىق يگىلىك رەتىندە تانىلدى.
BeyimTech: جاساندى ينتەللەكت كومەگىمەن بەيىمدەلگەن ءبىلىم
جاساندى ينتەللەكتكە نەگىزدەلگەن BeyimTech ەكوجۇيەسى ءار بالاعا جەكە وقۋ تراەكتورياسىن ۇسىنۋ ارقىلى ءبىلىمدى دارالاندىرۋدى ماقسات ەتەدى. العاشىندا زەرتتەۋ جوباسى رەتىندە باستالعان باستاما بۇگىندە نازارباەۆ زياتكەرلىك مەكتەپتەرىمەن بىرلەسىپ جۇمىس ىستەيتىن اۋقىمدى شەشىمگە اينالدى. ستارتاپتىڭ Beyim.ai جانە Beyim Synaq ونىمدەرى وقۋشىنىڭ قابىلەتىن سارالاپ, مۇعالىممەن بىرلەسە وتىرىپ بەيىمدەلگەن ءبىلىم بەرۋگە مۇمكىندىك بەرەدى. 2024 جىلى كوماندا اقش-تاعى Hero Training بايقاۋىندا جەڭىسكە جەتىپ, Draper University ۇزدىك كومانداسى اتاندى.
Qalan: ماتەماتيكا – وڭاي ءارى قىزىقتى
Qalan – ماتەماتيكا ءپانىن مەڭگەرۋدى جەڭىل ءارى جۇيەلى ەتەتىن ونلاين-پلاتفورما. مۇندا 40 000-نان استام ءتۇسىندىرۋ ماتەريالى, 1 000 ۆيدەودارىس, جاساندى ينتەللەكت پەن مەنتورلىق قولداۋ بار. جۇيە قازاق, ورىس جانە وزبەك تىلدەرىندە جۇمىس ىستەيدى. پلاتفورما قازاقستان, وزبەكستان مەن رەسەيدە قولدانىلىپ, جاسوسپىرىمدەردىڭ ەستە ساقتاۋ قابىلەتى مەن لوگيكالىق ويلاۋىن دامىتۋعا سەپتىگىن تيگىزىپ وتىر.
Big Dream Lab: ۆيرتۋالدى زەرتحانا – ناقتى ءبىلىم
Big Dream Lab كومپانياسى وقىتۋدى ۆيزۋالدى ءارى قاۋىپسىز ەتۋ ماقساتىندا كەڭەيتىلگەن جانە ۆيرتۋالدى شىندىق تەحنولوگيالارىن پايدالانادى. ولاردىڭ Digital Lab پلاتفورماسى فيزيكا, حيميا, بيولوگيا پاندەرى بويىنشا ينتەراكتيۆتى زەرتحانالار ۇسىنادى. پلاتفورما قازاق, ورىس جانە اعىلشىن تىلدەرىندە قولجەتىمدى. سونداي-اق ستارتاپ قاۋىپسىزدىك بويىنشا ترەناجەرلەر ء(ورت ءسوندىرۋ, العاشقى كومەك, بيىكتە جۇمىس) مەن جۇمىسشى ماماندىقتارعا ارنالعان VR-وقىتۋ قۇرالدارىن ازىرلەيدى.
BILIMLAND: تسيفرلىق ءبىلىمنىڭ كوشباسشىسى
2011 جىلدان بەرى جۇمىس ىستەيتىن BILIMLAND ەكوجۇيەسى – قازاقستانداعى ەڭ ءىرى EdTech جوبالاردىڭ ءبىرى. مۇندا وقۋشىلار مەن مۇعالىمدەرگە ارنالعان ۆيدەوساباقتار, سيمۋلياتورلار, ترەناجەرلار مەن تاپسىرمالار جيناقتالعان. كونتەنت پەداگوگيكا مەن تەحنولوگيانى بىرىكتىرەتىن كاسىبي مامانداردىڭ ەڭبەگىمەن جاسالعان. بۇل پلاتفورما ءبىلىم بەرۋ جۇيەسىندە ساپالى ءارى قولجەتىمدى تسيفرلىق مازمۇن ۇسىنۋعا باعىتتالعان.
Memo Magic: سوزدىك جاتتاۋ – ەندى ويىن تۇرىندە
Cognitio كومپانياسىنىڭ ءونىمi – Memo Magic ءموبيلدى قوسىمشاسى – شەت تىلدەرىن ۇيرەنۋگە ارنالعان ءتيىمدى قۇرال. ۆيزۋالدى ءادىس پەن ويىن ءتاسىلىن بىرىكتىرەتىن جۇيە 14 000-نان استام ءسوزدى قامتيدى. قوسىمشا قازاق, اعىلشىن, تۇرىك, يسپان جانە تاعى 11 تىلدە جۇمىس ىستەيدى.
Smartestprep: شەتەلدىك بىلىمگە جول اشقان قۇرال
Smartestprep – ستۋدەنتتەر مەن ۋنيۆەرسيتەتتەردى بىرىكتىرەتىن AI نەگىزىندەگى پلاتفورما. جوبا وقۋشىلار مەن كاسىبي باعدار بەرۋشىلەرگە شەتەلگە ءتۇسۋ پروتسەسىن وڭايلاتىپ بەرەدى. بۇگىنگە دەيىن 6 500-دەن استام ستۋدەنت $140 ملن استام ستيپەنديا مەن گرانت جەڭىپ العان. جۇيە ەسسە جازۋعا كومەك, تەست تاپسىرۋ, گرانت ىزدەۋ سەكىلدى تولىق قۇرالداردى قامتيدى. ستارتاپ ستەنفوردتىڭ StartX اكسەلەراتورىنان وتكەن قازاقستانداعى ءۇشىنشى جوبا بولىپ, ASU+GSV Elite 200 تىزىمىنە ەندى.
Zero Education: مەكتەپتى باسقارۋدىڭ جاڭا ءداۋىرى
Zero Education – ءبىلىم بەرۋ ۇيىمدارىنىڭ باسقارۋ جۇيەسىن تسيفرلاندىرۋعا باعىتتالعان جوبا. پلاتفورماسى CRM, LMS, قارجى, HR, كەلىسىمشارت, اتا-انا مەن مۇعالىم پورتالى سياقتى اكىمشىلىك پروتسەستەردى بىرىكتىرەدى. بۇل شەشىمدەر مەكتەپ جۇمىسىن وڭتايلاندىرىپ, ساپالى بىلىمگە كوبىرەك كوڭىل بولۋگە جاعداي جاسايدى.
