فوتو: akorda.kz
پرەزيدەنت قاسىم-جومارت توقاەۆ ەلىمىز قورشاعان ورتانى قورعاۋعا, سونىڭ ىشىندە ورمان قورىن ساقتاۋ مەن كوبەيتۋگە, تابيعي رەسۋرستاردى وڭتايلى پايدالانۋعا ەرەكشە كوڭىل بولەتىنىن اتاپ ءوتتى.
قازاقستان كەلەسى جىلى ايماقتىق كليمات ءسامميتىن وتكىزۋدى جوسپارلاپ وتىر. بۇل ءىس-شارانىڭ نەگىزگى ماقساتى – وزەكتى ماسەلەلەردىڭ شەشىمىن بىرلەسىپ ىزدەۋ, تابيعات وزگەرىستەرىنە بەيىمدەلۋ, ازىق-ت ۇلىك پەن سۋ قاۋىپسىزدىگىن قامتاماسىز ەتۋ.
ءوز كەزەگىندە مافالدا دۋارتە كليمات پروبلەمالارىن شەشۋگە باعىتتالعان قازاقستاننىڭ كۇش-جىگەرىنە قولداۋ ءبىلدىرىپ, ۇلتتىق بەيىمدەلۋ جوسپارىنىڭ ورىندالۋىنا جوعارى باعا بەردى. تابيعات اپاتتارىنىڭ تاۋەكەلدەرىن باسقارۋ جانە ەرتە قۇلاقتاندىرۋ جۇيەلەرىن ەنگىزۋدى قاراستىراتىن اتالعان جوبا جاسىل كليمات قورىنىڭ جانە بۇۇ دامۋ باعدارلاماسىنىڭ قاتىسۋىمەن جۇزەگە اسىرىلىپ جاتىر.
بۇدان بولەك, اڭگىمەلەسۋ بارىسىندا تابيعاتتى ايالاۋ جانە قوعامنىڭ ەكولوگيالىق مادەنيەتىن جەتىلدىرۋ ماڭىزدى ەكەنى ايتىلدى.
