«جۋىردا ۇكىمەت شەكارانى اشىپ, ەت ەكسپورتىن قايتا باستاۋعا رۇقسات بەردى. بىراق بۇعان دەيىن ىشكى نارىقتى قورعاۋ ءۇشىن ەشقانداي دايىندىق جاسالماعان.ۇكىمەت جانار-جاعارماي باعاسىنىڭ وسۋىن, اۋىل شارۋاشىلىعى تەحنيكاسىنا قاجەت قىمبات قوسالقى
بولشەكتەردى,سونداي-اق ونىم تاپشىلىعى قاۋپىن مۇلدە ەسكەرمەگەن», دەدى ماگەررام ماگەرراموۆ.
دەپۋتاتتىڭ ايتۋىنشا, ۇكىمەت ەت ەكسپورتىنا قاتىستى ەسەپ جۇرگىزبەگەن. ەكسپورتتالعان مال باسىن ىشكى نارىقتا قالپىنا كەلتىرۋ ءۇشىن كەم دەگەندە ءۇش جىل قاجەت.
«ەكسپورتتىڭ ارتىنان مال سانى ازايدى, ىشكى نارىقتا سيىر ەتى تاپشى بولدى. باعا شارىقتاپ كەتتى. بۇرىن جىلقى ەتى سيىر ەتىنەن قىمبات بولاتىن, ەندى كەرىسىنشە – سيىر ەتى بىرنەشە ەسە قىمباتتاپ كەتتى. بۇل – ەل تاريحىندا بۇرىن-سوڭدى بولماعان جاعداي», دەدى ول.
ماگەرراموۆ ۇكىمەتتىڭ مال شارۋاشىلىعىنا شەكارا اشىلعانعا دەيىن جەتكىلىكتى نازار اۋدارماعانىن, سونىڭ سالدارىنان قاراپايىم حالىق زارداپ شەگىپ وتىرعانىن ايتتى.
«2019 جىلى اۋىل شارۋاشىلىعى ءمينيسترى بەكىتكەن سۋبسيديالاۋ ەرەجەلەرى تەك ءىرى كاسىپ يەلەرىنە عانا قولايلى. شاعىن فەرمەرلەر كولەڭكەدە قالدى. جەم-ءشوپ سۋبسيدياسى دا تەك ءىرى شارۋاشىلىقتارعا ءتيىمدى بولدى», دەدى دەپۋتات.
سونداي-اق, ول «اۋىل اماناتى» باعدارلاماسى بويىنشا بولىنگەن قارجىنىڭ قايتا وڭدەۋ سەكتورىنا باعىتتالعانىنا توقتالىپ, بۇل قارجىنىڭ ءتيىمدى يگەرىلمەگەنىن ايتتى.
«قايتا وڭدەۋ ءۇشىن الدىمەن ءونىم بولۋ كەرەك قوي. قازىر وڭدەيتىن ەتتىڭ ءوزى جوق. سوندىقتان بۇل قارجىنى مال شارۋاشىلىعىن دامىتۋعا جانە مال سويۋ ينفراقۇرىلىمىن قۇرۋعا باعىتتاۋ كەرەك», دەپ اتاپ ءوتتى ماگەرراموۆ.
دەپۋتات ەلدە مال سويۋ ورىندارىنىڭ جەتىسپەيتىنىن, كەي اۋدانداردا 300 شاقىرىمعا سوزىلاتىن اۋماقتا ءبىر عانا سويۋ پۋنكتى بارىن سىنعا الدى.
دەپۋتاتتىڭ ۇكىمەتكە جولداعان ۇسىنىستارى مەن سۇرانىستارى كەلەسىدەي:
-
2023 جىلعى قىركۇيەكتەن 2024 جىلعى قىركۇيەككە دەيىن ەكسپورتتالعان سيىر ەتى كولەمىن جاريالاۋ;
-
2024 جىلعى قازاننان 31 جەلتوقسانعا دەيىنگى ەت ەكسپورتى تۋرالى ناقتى دەرەكتەر ۇسىنۋ;
-
2025 جىلدىڭ العاشقى توقسانىنا قاتىستى ەكسپورت كولەمىن كورسەتۋ;
-
جەرگىلىكتى اتقارۋشى ورگاندار ءۇشىن شاعىن جانە ورتا فەرمەرلەردى قولداۋ باعدارلامالارىن ازىرلەۋ, وڭىرلىك كارتالار جاساۋ;
-
«اۋىل اماناتى» باعدارلاماسى اياسىنداعى قاراجاتتى مال شارۋاشىلىعىن دامىتۋ مەن مال سويۋ ورىندارىن سالۋعا باعىتتاۋ;
-
اۋىل شارۋاشىلىعى مينيسترلىگىنە مال سويۋ ورىندارىنىڭ تيپتىك ۇلگىسىن جاساپ, ولاردى تىركەۋدىڭ اۆتوماتتاندىرىلعان جۇيەسىن ەنگىزۋدى تاپسىرتۋ;
-
مەملەكەت-جەكەمەنشىك ارىپتەستىك ء(مجا) اياسىندا مال سويۋ ورىندارىن سالۋ جوبالارىن ىسكە اسىرۋ;
-
مەملەكەتتىك ساتىپ الۋ پورتالىنا سيىر ەتىمەن قاتار جىلقى ەتىن دە ەنگىزۋ, بۇل باعانى تۇراقتاندىرۋعا كومەكتەسەدى.
«بۇگىندە حالىقتىڭ ءال-اۋقاتىنا تىكەلەي اسەر ەتىپ وتىرعان مۇنداي جاعدايعا ۇكىمەت بەيجاي قاراماۋى كەرەك. ەت ەكسپورتى – پايدا كوزى عانا ەمەس, ازىق-ت ۇلىك قاۋىپسىزدىگىنە تىكەلەي بايلانىستى ستراتەگيالىق ماسەلە. سوندىقتان بۇل سالادا جۇيەلى رەفورما مەن ءادىل قولداۋ كەرەك», دەپ تۇيىندەدى ماگەرراموۆ.
