فوتو: gov.kz
قۇجات 2024 جىلعى 10 قازاندا اشحابات قالاسىندا جاسالعان ەدى. وسى كەلىسىم نەگىزىندە ينۆەستيتسيالىق قىزمەتكە قولايلى جاعداي جاساۋ, تىكەلەي شەتەلدىك ينۆەستيتسيالار اعىنىن ىنتالاندىرۋ جانە ۋاعدالاسۋشى ەلدەردىڭ ەكونوميكالىق ءال-اۋقاتىن جاقسارتۋ جوسپارلانعان.
«ۋاعدالاسۋشى تاراپتاردىڭ كەز كەلگەنىنىڭ ينۆەستورلارى جۇزەگە اسىرعان ينۆەستيتسيالار ءادىل ءارى تەڭ قۇقىلى رەجيمدى پايدالانادى. سونداي-اق ول ەكىنشى تاراپ مەملەكەتىنىڭ اۋماعىندا تولىق قورعالادى, قاۋىپسىزدىگى قامتاماسىز ەتىلەدى. ۋاعدالاسۋشى تاراپ ءوز مەملەكەتى اۋماعىندا ەكىنشى تاراپ مەملەكەتىنىڭ ينۆەستورلارىنا ولاردىڭ ينۆەستيتسيالارىن باسقارۋعا, ۇستاۋعا, پايدالانۋعا نەمەسە ولارعا بيلىك ەتۋگە قاتىستى ءوز ينۆەستورلارى مەن ولاردىڭ ينۆەستيتسيالارىنا ۇسىناتىن رەجيمنەن كەم ەمەس قولايلى رەجيم ۇسىنادى», دەلىنگەن ءماجىلىس حابارلاماسىندا.
سونداي-اق, كەلىسىم بويىنشا ءبىر ۋاعدالاسۋشى تاراپتىڭ ينۆەستورى مەن ەكىنشى تاراپ اراسىنداعى مىندەتتەمەنى بولجامدى بۇزۋعا قاتىستى كەز كەلگەن داۋ مۇمكىندىگىنشە بەيبىت جولمەن شەشىلۋگە ءتيىس. داۋدى بەيبىت جولمەن رەتتەۋ مۇمكىن بولماعان جاعدايدا مۇددەلى ينۆەستور ءوز قالاۋى بويىنشا داۋدى شەشۋ ءۇشىن اۋماعىندا ينۆەستيتسيالار جۇزەگە اسىرىلعان ۋاعدالاسۋشى تاراپ مەملەكەتىنىڭ قۇزىرەتتى سوتىنا نە باسقا دا حالىقارالىق تورەلىك مەكەمەلەرگە جۇگىنە الادى.
