فوتو: اشىق دەرەككوزدەن
سونىمەن قاتار رەسپۋبليكامىز ەۋروپالىق وداققا سۇرانىسقا يە قۇنارلى مال ازىعى – كۇنباعىس شروتىنىڭ نەگىزگى ءۇش جەتكىزۋشىسىنىڭ ءبىرى سانالادى. وتكەن ماۋسىمدا ماي, شروت جانە كۇنجارا ساتۋدان تۇسكەن ەكسپورتتىق كىرىس 562 ميلليون اقش دوللارىنا جەتتى. مۇنداي وسۋگە وسىمدىك شارۋاشىلىعىنداعى باسىمدىقتاردى بىرتىندەپ وزگەرتۋ ارقىلى قول جەتتى. تاياۋ جىلدارى بۇل كورسەتكىشتى جىل سايىن 1 ميلليارد دوللارعا دەيىن ارتتىرۋ جوسپارلانىپ وتىر. بۇل ناتيجەگە قول جەتكىزۋ ءۇشىن وسىمدىك شارۋاشىلىعىنداعى باسىمدىقتاردى بىرتىندەپ وزگەرتە وتىرىپ, بيدايدان تابىسى جوعارى مايلى داقىلدارعا, ەڭ الدىمەن كۇنباعىسقا كوشۋگە دەن قويىلادى.
«قازىرگى تاڭدا ەلىمىز ىشكى نارىقتى تولىعىمەن قامتاماسىز ەتۋمەن بىرگە باعانى تۇراقتاندىرىپ, ەكسپورتتى ۇلعايتىپ جاتىر. ماقسات – تەك ءونىمدى ەكسپورتتاۋ عانا ەمەس, سونىمەن قاتار ەكونوميكالىق تۇراقتىلىققا ۇلەس قوسىپ, بۇكىل ايماق ءۇشىن ازىق-ت ۇلىك جەتكىزۋشىسىنە اينالۋ. ساۋدا جانە ينتەگراتسيا مينيسترلىگىندە وتاندىق ماي وڭدەۋ كاسىپورىندارىن ىلگەرىلەتۋدىڭ ءتيىمدى قۇرالدارى بار. بۇل – ساۋدا-ەكونوميكالىق ميسسيالار, ەكسپورتتى جەدەلدەتۋ باعدارلاماسى, سونداي-اق ەكسپورتتى ىلگەرىلەتۋ شىعىندارىن وتەۋ تەتىكتەرى. بۇلار قازىردىڭ وزىندە تىكەلەي ناتيجە بەرىپ جاتىر.سوڭعى 5 جىلدا وتاندىق وسىمدىك مايىن دۇنيەجۇزى نارىعىنا جەتكىزۋ ۇدەرىسى تۇراقتى تۇردە ءوسىپ كەلەدى», دەپ اتاپ ءوتتى QazTrade باس ديرەكتورىنىڭ ءبىرىنشى ورىنباسارى نۇرلان قۇلباتىروۆ.
قازىر كۇنباعىس مايى ورتالىق ازيا ەلدەرىنە جانە قىتايعا ەكسپورتتالادى. ەندى ەكسپورت گەوگرافياسىن تاياۋ شىعىس ەلدەرىنە دەيىن ۇلعايتۋ جوسپارلانعان. مايلى داقىلداردى قايتا وڭدەۋشىلەردىڭ ۇلتتىق قاۋىمداستىعىنىڭ توراعاسى يادىكار يبراگيموۆتىڭ ايتۋىنشا, قازاقستان باسەكەگە قابىلەتتى ويىنشى بولا الاتىن مايلار مەن جەمشوپتىڭ جاھاندىق نارىعى 43 ميلليون تونناعا باعالانادى. بۇل قازاقستاندىق ەكسپورتتىڭ اعىمداعى كولەمىنەن 42 ەسە كوپ. دەمەك, مەملەكەت پەن جەكە سەكتوردىڭ كۇش-جىگەرىن جۇيەلى ۇيلەستىرە وتىرىپ, الەۋەتىمىزدى ودان ءارى دامىتا الامىز. بۇل باعىتتا تاياۋ ەكى جىلدا قازاقستاننىڭ حالىقارالىق نارىقتاعى پوزيتسياسىن نىعايتۋعا ارنالعان ەكسپورتتىق جول كارتاسى ازىرلەنەدى.
