نۇرلان ۇرانحاەۆ ونەركاسىپ جانە قۇرىلىس سالالارىنا جەتەكشىلىك ەتەتىن بولادى.
نۇرلان ۇرانحاەۆ 1987 جىلى ۆ.ي. لەنين اتىنداعى قازاق پوليتەحنيكالىق ينستيتۋتىن «ينجەنەر-مەحانيك» ماماندىعى بويىنشا تامامداعان. 2001 جىلى قازاق قارجى-ەكونوميكالىق ينستيتۋتىندا «ەكونوميست-مەنەدجەر» بىلىكتىلىگىن العان. 2006 جىلى شىعىس قازاقستان مەملەكەتتىك تەحنيكالىق ۋنيۆەرسيتەتىندە «ينجەنەر-قۇرىلىسشى» ماماندىعى بويىنشا ءبىلىم العان.
ەڭبەك جولىن 1987 جىلى سلەسار-مونتاجشى رەتىندە باستاپ, كەيىن «كازپرومتەحمونتاج» ترەسىنىڭ سەمەي مونتاج باسقارماسىندا شەبەر جانە ۋچاسكە پرورابى بولىپ جۇمىس ىستەدى.
1990–2001 جىلدار ارالىعىندا بىرقاتار كوممەرتسيالىق قۇرىلىمداردا باسشىلىق قىزمەت اتقاردى: «زەرگەر» كورپوراتسياسى, «اككۋس» اق, «سۇڭقار» جشس, «كازيركۋتسكلەس» بىرلەسكەن كاسىپورنى.
2003 جىلدان باستاپ مەملەكەتتىك قىزمەتكە اۋىستى. شقو-دا ەنەرگەتيكا, تكش, قۇرىلىس جانە كولىك باسقارمالارىن باسقاردى, كەيىن شىعىس قازاقستان وبلىسى اكىمىنىڭ ورىنباسارى بولدى.
بۇدان بولەك, ول قر تجم مەملەكەتتىك ماتەريالدىق رەزەرۆتەر كوميتەتى توراعاسىنىڭ ورىنباسارى; قر پرەزيدەنتى اكىمشىلىگىنىڭ مەملەكەتتىك ينسپەكتورى; قر پرەمەر-ءمينيسترى كەڭسەسىنىڭ يندۋستريالىق-يننوۆاتسيالىق دامۋ بولىمىندە مەڭگەرۋشى ورىنباسارى; قىزىلوردا وبلىسى اكىمىنىڭ ورىنباسارى; تۇتىنۋشىلار قۇقىقتارىن قورعاۋ اگەنتتىگى توراعاسىنىڭ ورىنباسارى; «قازقسعزي» اق باس ديرەكتورى; الماتى جانە استانا قالالارىندا ساۋلەت جانە قالا قۇرىلىسى باسقارمالارىنىڭ باسشىسى قىزمەتتەرىن اتقاردى.
2022 جىلعى ماۋسىمنان 2025 جىلعى اقپانعا دەيىن اباي وبلىسىنىڭ اكىمى قىزمەتىن اتقاردى.
