فوتو: abai.kz
بالالاردىڭ پسيحوەموتسيونالدىق ساۋلىعىنا قاۋىپ ءتوندىرىپ وتىرعان مۇنداي كونتەنت تسيفرلىق ورتادا ەركىن تاراپ جاتىر. كوميتەت قازىرگى تاڭداعى مەديا جانە ينتەرنەت فورماتتارىنىڭ جىلدام وزگەرىپ جاتقانىن اتاپ ءوتىپ, زاڭنامالىق بازانى جەتىلدىرۋ بويىنشا ناقتى ۇسىنىستار دايىنداعانىن حابارلادى. بۇل ۇسىنىستار قر مادەنيەت جانە اقپارات مينيسترلىگىنە, سونداي-اق ىشكى ىستەر مينيسترلىگىنە جولدانعان.
«قۇرمەتتى اتا-انالار! بالالارىڭىزدىڭ الەۋمەتتىك جەلىلەردە قانداي كونتەنت كورىپ جۇرگەنىنە, كىمدەرمەن سويلەسەتىنىنە جانە ينتەرنەتتە نە تالقىلايتىنىنا ەرەكشە نازار اۋدارىڭىز. بالاڭىزبەن اشىق اڭگىمەلەسىپ, سىني ويلاۋ قابىلەتىن دامىتۋعا كومەكتەسىڭىز. ەگەر كۇماندى نەمەسە زياندى كونتەنت بايقاساڭىز – بۇل تۋرالى بىردەن قۇزىرلى ورگاندارعا حابارلاڭىز. سانالى اتا-انا رەتىندە بالاڭىزدىڭ ومىرىنە بەلسەندى ارالاسۋىڭىز – ونىڭ تسيفرلىق قاۋىپسىزدىگىنىڭ باستى كەپىلى», دەلىنگەن بالالاردىڭ قۇقىقتارىن قورعاۋ كوميتەتى تاراتقان اقپاراتتا.
مينيسترلىك بۇل ماسەلە بويىنشا كەشەندى شارالار قابىلداناتىنىن جانە بالالاردىڭ قاۋىپسىزدىگىن قورعاۋ ءۇشىن ءتيىستى مەكەمەلەرمەن بىرلەسىپ جۇمىس جۇرگىزىلەتىنىن مالىمدەدى.
