ءىس-شاراعا دەنساۋلىق ساقتاۋ مينيسترلىكتەرىنىڭ, مەملەكەتتىك ورگانداردىڭ وكىلدەرى, قازاقستان, رەسەي, قىتاي, وڭتۇستىك كورەيا, ەۋروپا ەلدەرى, بەلارۋس, گرۋزيا, تاجىكستان جانە باسقا دا مەملەكەتتەردەن كەلگەن عىلىمي مەكەمەلەردىڭ عالىمدارى مەن ماماندارى قاتىستى.
كونفەرەنتسيانىڭ اشىلۋىندا ءسوز سويلەگەن قازاقستان رەسپۋبليكاسىنىڭ دەنساۋلىق ساقتاۋ ءمينيسترى اقمارال ءالنازاروۆا اتالعان ينستيتۋتتىڭ ەلىمىزدەگى العاشقى عىلىمي مەكەمەلەردىڭ ءبىرى رەتىندە تاريحي ماڭىزىن اتاپ ءوتتى.
«120 جىلدان استام تاريحىندا قازاق ۆەتەريناريا عىلىمي-زەرتتەۋ ينستيتۋتى ۆەتەريناريا, مال شارۋاشىلىعى جانە قوعامدىق دەنساۋلىق ساقتاۋ سالالارىنىڭ دامۋىنا زور ۇلەس قوستى, برۋتسەللەز, ءسىبىر ويىق جاراسى جانە اۋسىل سياقتى اسا قاۋىپتى ينفەكتسيالىق اۋرۋلارعا قارسى ونداعان دياگنوستيكالىق ادىستەر, ۆاكتسينالار مەن دارىلىك زاتتار ازىرلەدى», دەدى مينيستر.
كونفەرەنتسيانىڭ ماقساتى — ۆەتەريناريا سالاسىنداعى عىلىم مەن پراكتيكانىڭ اراسىنداعى ىنتىماقتاستىقتى نىعايتۋ, حالىقارالىق ارىپتەستىكتى دامىتۋ, بيولوگيالىق قاۋىپسىزدىكتى قامتاماسىز ەتۋ مەن يننوۆاتسيالىق تەحنولوگيالاردى ەنگىزۋدىڭ ستراتەگيالىق باعىتتارىن ايقىنداۋ.
پلەنارلىق وتىرىس بارىسىندا وتاندىق جانە شەتەلدىك ساراپشىلار عىلىمي باياندامالار جاساپ, ۆەتەريناريا عىلىمىنىڭ كەلەسى دامۋ باعىتتارىن تالقىلادى:
– جانۋارلاردىڭ ينفەكتسيالىق, ينۆازيالىق جانە ينفەكتسيالىق ەمەس اۋرۋلارىن دياگنوستيكالاۋ, پروفيلاكتيكاسى جانە ەمدەۋ;
– بيولوگيالىق قاۋىپسىزدىك سالاسىنداعى بيوتەحنولوگيالىق يننوۆاتسيالار: زەرتتەۋدەن كوممەرتسيالاۋعا دەيىن;
– بيولوگيالىق جانە ازىق-ت ۇلىك قاۋىپسىزدىگى تۇرعىسىنان مولەكۋلالىق بيولوگيا جانە ميكروورگانيزمدەر گەنوميكاسى;
– ۆەتەريناريا عىلىمىنداعى پانارالىق تاسىلدەر.
سونىمەن قاتار كونفەرەنتسيا شەڭبەرىندە عىلىمي جەتىستىكتەر كورمەسى مەن ينستيتۋت تاريحىنا ارنالعان مەرەيتويلىق كىتاپتىڭ تۇساۋكەسەرى ءوتتى.
قازاق ۆەتەريناريا عىلىمي-زەرتتەۋ ينستيتۋتى 1905 جىلى قۇرىلعان, ەلىمىزدەگى ەڭ كونە عىلىمي مەكەمەلەردىڭ ءبىرى. 2023 جىلدان باستاپ بۇل ينستيتۋت قازاقستان رەسپۋبليكاسى دەنساۋلىق ساقتاۋ مينيسترلىگىنىڭ «QazBioPharm» ۇلتتىق حولدينگىنىڭ قۇرامىنا ەندى.
