اكتسيا مونوقالانىڭ دامۋىنا مەملەكەت تاراپىنان كورسەتىلگەن قولداۋعا جاستاردىڭ ريزاشىلىعىن ءبىلدىرۋدىڭ ءبىر كورىنىسى بولدى. ايتا كەتەيىك, مەملەكەت باسشىسى ارقالىقتا بىرقاتار ءىرى ينفراقۇرىلىمدىق جوبالاردى جۇزەگە اسىرۋدى تاپسىردى. ولاردىڭ قاتارىندا اۋەجايدىڭ قايتا جاڭعىرتىلۋى جانە «استانا – ىرعىز» اۆتوجولىنىڭ قۇرىلىسى بار. بۇل جوبالار تورعاي ءوڭىرىنىڭ دامۋىنا سەرپىن بەرەدى دەپ كۇتىلەدى.
«پاۆلودار قالاسىنان كەلدىم. ارقالىق ماعان قاتتى ۇنايدى, وسى قالادا قالعىم كەلەدى. قالا دامىپ كەلەدى: اۋەجاي اشىلادى, جاڭا جول سالىنىپ جاتىر. پرەزيدەنتىمىزدىڭ ارقالىقتى قولداپ وتىرعانىنا قۋانىشتىمىن», دەدى ى. التىنسارين اتىنداعى ارقالىق پەداگوگيكالىق ۋنيۆەرسيتەتىنىڭ ستۋدەنتى جازيرا بولاتوۆا.
قاتىسۋشىلار قالا كوشەلەرىمەن مەملەكەتتىك تۋلاردى الىپ, پاتريوتتىق ۇراندارمەن ءجۇرىپ ءوتتى. بۇل – ەلدىڭ دامۋىنا جاستاردىڭ قولداۋ ءبىلدىرۋىنىڭ ايقىن كورىنىسى بولدى.
«قالامىزدىڭ تۇرعىندارى مەن جاستارى وزگەرىستەرگە وتە قۋانىشتى. ارقالىققا بولىنگەن كوڭىل ءۇشىن العىسىمىزدى بىلدىرگىمىز كەلەدى. بۇل جوبالار جاڭا جۇمىس ورىندارىن اشىپ, بولاشاققا جول اشادى», دەپ اتاپ ءوتتى ارقالىق قالالىق جاستار رەسۋرستىق ورتالىعىنىڭ ديرەكتورى دانيار قوجاحمەتوۆ.
تۇرعىنداردىڭ ايتۋىنشا, الداعى ۋاقىتتا جۇزەگە اسىرىلاتىن جوبالار تەك ارقالىققا عانا ەمەس, جاقىن ماڭداعى اۋىلدارعا دا وڭ اسەرىن تيگىزەدى. جاڭا ينۆەستيتسيالار تارتىلىپ, كاسىپكەرلىك پەن ينفراقۇرىلىم داميدى, ءومىر ساپاسى ارتادى دەپ كۇتىلەدى.
العاش بولىپ ىسكە اساتىن جوبا – «ورتالىق – باتىس» باعدارلاماسى اياسىنداعى اۆتوجول قۇرىلىسى. قۇرىلىس جۇمىستارى ماۋسىم ايىندا باستالادى دەپ جوسپارلانعان.
