كەزدەسۋلەر بارىسىندا ۆەدومستۆو ەنگىزگەن تسيفرلىق شەشىمدەردى قولدانۋ ەسەبىنەن الەۋمەتتىك-ەڭبەك سالاسىنداعى مەملەكەتتىك قولداۋ شارالارىنىڭ تيىمدىلىگى مەن اتاۋلىلىعىن ارتتىرۋدىڭ ءتۇيىندى ماسەلەلەرى تالقىلاندى.
وبلىس اكىمىمەن كەزدەسۋ بارىسىندا مەملەكەت باسشىسىنىڭ حالىقتى جۇمىسپەن قامتۋ جانە الەۋمەتتىك قولداۋ, كاسىپورىندارداعى ەڭبەك قاۋىپسىزدىگى جانە ەڭبەكتى قورعاۋ, ءومىر ءسۇرۋ ساپاسىن ارتتىرۋ جانە مۇگەدەكتىگى بار ادامدار ءۇشىن كەدەرگىسىز ورتا قۇرۋ جونىندەگى تاپسىرمالارىن ىسكە اسىرۋ ماسەلەلەرىنە ەرەكشە نازار اۋدارىلدى.
اكتيۆپەن وتكەن كەڭەستە سۆەتلانا جاقىپوۆا ەڭبەك مينيسترلىگى ەنگىزگەن تسيفرلىق قۇرالداردىڭ مۇمكىندىكتەرىن كورسەتتى. اتاپ ايتقاندا, ول مەملەكەتتىك ينۆەستيتسيالاردىڭ تيىمدىلىگىن ارتتىرۋعا جانە ساپالى جوسپارلاۋعا ارنالعان جوبالاردىڭ يننوۆاتسيالىق ناۆيگاتورى تۋرالى ەگجەي-تەگجەيلى ايتىپ بەردى. جۇيە كادرلارعا دەگەن قاجەتتىلىكتى بولجاۋعا, ينۆەستيتسيالار كولەمى, جوبالاردى ىسكە اسىرۋ كەزەڭدەرى جانە جۇمىس ورىندارىن قۇرۋ بويىنشا ناقتى كورسەتكىشتەر تۋرالى اقپارات الۋعا مۇمكىندىك بەرەدى.
«وسىلايشا, ءبىز وڭىرلەرگە ءوز جوبالارىن ىسكە اسىرۋعا جانە حالىقتى ناتيجەلى جۇمىسپەن قامتۋدى قامتاماسىز ەتۋگە كومەك كورسەتكىمىز كەلەدى», دەپ اتاپ ءوتتى مينيستر.
وتباسىنىڭ تسيفرلىق كارتاسى مەملەكەتتىك ورگاندارعا مەملەكەتتىك قولداۋعا مۇقتاج قازاقستاندىقتاردى انىقتاۋعا جانە قاجەتتى شارالاردى جەدەل قابىلداۋعا, الەۋمەتتىك ساياساتتىڭ ورتا جانە ۇزاق مەرزىمدى مىندەتتەرى مەن باعىتتارىن ايقىنداۋعا مۇمكىندىك بەرەدى. سونداي-اق, وتسك ازاماتتاردىڭ الەۋمەتتىك مارتەبەسىنە بايلانىستى كەپىلدەندىرىلگەن مەملەكەتتىك قولداۋدىڭ قانداي دا ءبىر ءتۇرىن الۋعا قۇقىلى ەكەندىگى تۋرالى كۇندەلىكتى «ەلەكتروندىق حابارلاما» بولىپ تابىلادى. قازىرگى ۋاقىتتا وتباسىنىڭ تسيفرلىق كارتاسى قازاقستاندىقتارعا قانداي دا ءبىر وتىنىشتەرسىز جاردەماقىلار مەن الەۋمەتتىك تولەمدەردىڭ 11 ءتۇرىن رەسىمدەۋگە مۇمكىندىك بەرەدى.
قر ەڭبەك جانە حالىقتى الەۋمەتتىك قورعاۋ ءمينيسترى جۇمىس بارىسىندا جەزقازعان قالاسىنداعى قارتتار ءۇيىنىڭ تىنىس-تىرشىلىگىمەن تانىستى. قالاداعى مانساپ ورتالىعىندا بولىپ, قىزمەتكەرلەردىڭ جۇمىسىمەن تانىسىپ, باق -تىڭ قويعان ساۋالدارىنا جاۋاپ بەردى.
وسىدان كەيىن قر ەڭبەك جانە حالىقتى الەۋمەتتىك قورعاۋ ءمينيسترى
س. جاقىپوۆا رەگرەسسشى كەنشىلەرمەن كەزدەسۋ وتكىزدى. ەڭبەك مينيسترلىگىنىڭ باسشىسى قاۋىپسىز ەڭبەك جاعدايلارىن قامتاماسىز ەتۋ جانە زياندى وندىرىستە جۇمىس ىستەيتىن قازاقستاندىقتاردى الەۋمەتتىك قورعاۋ دەڭگەيىن ارتتىرۋ بويىنشا ۆەدومستۆو قابىلداپ جاتقان شارالار تۋرالى باياندادى.
مينيستر سوڭعى جىلدارى وندىرىستىك جاراقاتتانۋ دەڭگەيىنىڭ جانە كاسىبي ەڭبەك ەتۋ قابىلەتىنەن ايىرىلعان جۇمىسكەرلەر سانىنىڭ تومەندەۋ سەرپىنى بار ەكەنىن اتاپ ءوتتى.
سونىمەن بىرگە زياندى ەڭبەك جاعدايلارىندا, اسىرەسە ونەركاسىپتە جانە ءوندىرۋشى سەكتوردا جۇمىسپەن قامتۋدىڭ جوعارى دەڭگەيى ساقتالۋدا. بۇل پروفيلاكتيكاعا دا, جۇمىسشىلاردىڭ الەۋمەتتىك قورعالۋىن كۇشەيتۋگە دە باعىتتالعان كەشەندى شەشىمدەردى قاجەت ەتەدى.
«سوندىقتان ءبىز باقىلاۋ عانا ەمەس, الدىن الۋ, تولەمدەردەگى ادىلەتتىلىك, وتەماقىلاردىڭ قولجەتىمدىلىگى جانە جۇمىس بەرۋشىلەردى قاۋىپسىزدىككە ينۆەستيتسيالاۋعا ىنتالاندىرۋ ماڭىزدى بولاتىن جۇيەنى قۇرۋدامىز. پروبلەمالاردى ايتىپ قانا قويماي, جاعدايدى شىنىمەن دە وزگەرتۋ ءۇشىن ءبىز جۇمىسكەرلەردىڭ دەنساۋلىعى مەن قۇقىقتارىن قورعاۋدىڭ جاڭا تاسىلدەرىن دايەكتى تۇردە ەنگىزىپ وتىرمىز», دەدى مينيستر.
ەرتەڭگى كۇنى ەڭبەك جانە حالىقتى الەۋمەتتىك قورعاۋ ء مينيسترى ءىرى كاسىپورىندار مەن الەۋمەتتىك ماڭىزى بار وبەكتىلەردىڭ جۇمىسىمەن تانىسادى. سونداي-اق مەملەكەتتىك ەڭبەك ينسپەكتسياسى كوميتەتىنىڭ جانە حالىقتى الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتىنىڭ اۋماقتىق دەپارتامەنتتەرىنىڭ قىزمەتكەرلەرىمەن جۇمىس كەڭەستەرىن وتكىزەدى.
