فوتو: «فاراب» امبەباپ-عىلىمي كىتاپحاناسى
حالىقارالىق سيمپوزيۋمنىڭ اشىلۋىنا وراي مەملەكەت باسشىسى ق.ك.توقاەۆ, سەنات توراعاسى م.س.اشىمباەۆ, ءماجىلىس توراعاسى ە.ج.قوشانوۆ, سالالىق مينيسترلىك باسشىلارى مەن قىزىلوردا, جامبىل وبلىسى اكىمدەرى قۇتتىقتاۋ حاتىن جولداپ, شاراعا تابىس تىلەدى.
اتى ايتىپ تۇرعانداي حالىقارالىق شاراعا تۇركى الەمى ەلدەرىنەن وزبەكستاننان جازۋشى, پەداگوگيكا عىلىمدارىنىڭ دوكتورى قازاقباي يۋلداش, قىرعىزستان جازۋشىلار وداعى توراعاسىنىڭ ورىنباسارى كەرىمبەك قادىراحۋنوۆ, پارلامەنت دەپۋتاتتارى مەن ەسىمى ەلگە ءمالىم قالامگەرلەر قاتىستى.
ءىرى شارادا «قازاق گازەتتەرى» جشس باس ديرەكتورى ديحان قامزابەك ۇلى, قازاقستان جازۋشىلار وداعىنىڭ حاتشىسى جۇسىپبەك قورعاسبەك, قر ۇعا اكادەميگى, پەداگوگيكا عىلىمدارىنىڭ دوكتورى, پروفەسسور وڭالباي اياشەۆ, تۇركيادان جەتكەن مارتەبەلى مەيمان حاجى بايرام ۋنيۆەرسيتەتىنىڭ پروفەسسورى جاميلا كىناجى بايانداما جاساپ, مارحابات بايعۇتتىڭ شىعارماشىلىعى مەن قوعامدىق قىزمەتى تۋرالى مازمۇندى ويىن ورتاعا سالدى.
سونداي-اق, مۇحيتتىڭ ارعى جاعىنان جەتكەن پەداگوگيعا عىلىمدارىنىڭ دوكتورى قۋندۋزحون حۋسانبوەۆا مەن پەتروپاۆلدان ادەبيەتتانۋشى عالىم بوتاكوز تاعۇدرەتوۆانىڭ بەينە قۇتتىقتاۋلارى كورسەتىلدى.
سيمپوزيۋمنىڭ ەكىنشى بولىمىندە جازۋشى نۇرعالي ورازدىڭ «مارحاببات» اتتى جاڭا پەساسىنان ءۇزىندى ساحنالانىپ, جازۋشىنىڭ ءومىربايانى نەگىزىندە دايىندالعان دەرەكتى فيلم كوپشىلىك نازارىنا ۇسىنىلدى.
شارا بارىسىندا «كيىكوتى ءيىسى سىڭگەن قالام» ينستاللياتسيالىق كورمەسى كوپشىلىك كوزايىمىنا اينالدى. ارنايى جاساقتالعان كورمەدە جازۋشى ءومىرىنىڭ سوڭعى كەزەڭىندە پايدالانعان جەكە زاتتارى مەن قۇجاتتارىنىڭ تۇپنۇسقالارى قويىلدى.
شارا سوڭىندا ستۋدەنت-جاستار اراسىنداعى رەسپۋبليكالىق شىعارماشىلىق بايقاۋ جۇلدەگەرلەرىن قازىلار القاسىنىڭ توراعاسى ءامىرحان مەڭدەكە, وقۋشىلار اراسىنداعى «مارحابات وقۋلارى» وبلىستىق بايقاۋىنىڭ جەڭىمپازدارىن تۇركىستان وبلىستىق مادەنيەت باسقارماسىنىڭ باسشىسى ءازىمحان قويلىباەۆ ماراپاتتادى.
ايتا كەتەيىك, بۇگىن شىمكەنتتەگى ج.شانين اتىنداعى سازدى دراما تەاتردا مارحابات بايعۇتتىڭ «جوعالعان جۇرناق» قويىلىمى ساحنالانادى.
