جەڭىمپازداردى ماراپاتتاۋ سالتاناتىنا «AMANAT» پارتياسىنىڭ اتقارۋشى حاتشىسى داۋلەت كارىبەك, پرەمەر-ءمينيستردىڭ كەڭەسشىسى ەرالى توعجانوۆ, الماتى وبلىسىنىڭ اكىمى مارات سۇلتانعازيەۆ, قاراعاندى وبلىسى اكىمىنىڭ ورىنباسارى, «JORYQ» ات سپورتى فەدەراتسياسى قامقورشىلىق كەڭەسىنىڭ توراعاسى الىبەك الدەنەي, ۇلتتىق سپورت قاۋىمداستىعىنىڭ پرەزيدەنتى ەركەبۇلان ىلياسوۆ جانە «JORYQ» ات سپورتى فەدەراتسياسىنىڭ پرەزيدەنتى باقىتجان تۇرلىبەكوۆ قاتىستى.
«AMANAT» پارتياسىنىڭ اتقارۋشى حاتشىسى داۋلەت كارىبەك ۇلتتىق سپورت تۇرلەرىن دامىتۋ – بۇل تەك قازاقتىڭ سالت-ءداستۇرىن ساقتاۋ جانە مادەني مۇرانى ناسيحاتتاۋ عانا ەمەس, سونىمەن قاتار جاس ۇرپاقتى تاربيەلەۋدىڭ ماڭىزدى تەتىگى ەكەنىن اتاپ ءوتتى.
«مەملەكەت باسشىسى قاسىم-جومارت توقاەۆ ۇلتتىق قۇرىلتايدىڭ IV وتىرىسىندا قازاقستان كوشپەندىلەر وركەنيەتىنىڭ بەسىگى, دامىعان ورتالىعى ەكەنىن, ءتۇرلى حالىقتار مەن مادەنيەتتەردى بىرىكتىرەتىنىن ايتتى. مۇنىڭ جارقىن مىسالى – ەلىمىزدە وتكەن V دۇنيەجۇزىلىك كوشپەندىلەر ويىندارى. «AMANAT» پارتياسى بۇل باعىتتا اۋقىمدى جۇمىس اتقارۋدا. پارتيا جىل سايىن حالىقارالىق « ۇلى دالا جورىعى» مارافون-بايگەسىن ۇيىمداستىرۋعا اتسالىسادى. ءبىز قوعامدى ۇلتتىق مادەني-تاريحي قۇندىلىقتار توڭىرەگىندە توپتاستىرۋعا ۇمتىلامىز. سونىمەن قاتار قازاقستاندا ەتنوتۋريزمدى دامىتۋ اسا ماڭىزدى. پارتيامىزدىڭ «ۇلتتىق مۇرا» جوباسى جاستاردى وتانشىلدىق رۋحتا تاربيەلەۋگە, ۇلتتىق سپورتتى, مادەنيەتىمىزدى, ونەرىمىز بەن سالت-ءداستۇرىمىزدى دارىپتەۋ ارقىلى قاستەرلى قۇندىلىقتارىمىزدى دامىتۋعا باعىتتالعان», دەدى داۋلەت كارىبەك.
بەس كۇنگە سوزىلعان مارافون ناتيجەسىندە ءبىرىنشى ورىندى استانا قالاسىنىڭ كومانداسى يەلەندى. ولار 500 شاقىرىم قاشىقتىقتى 31 ساعات 19 مينۋت 5 سەكۋندتا ءجۇرىپ ءوتىپ, توزىمدىلىگى مەن شەبەرلىگىن دالەلدەدى. ەكىنشى بولىپ مارە سىزىعىن 32 ساعات 26 مينۋت 57 سەكۋندتا قىرعىزستاننىڭ ء(بىرىنشى) كومانداسى كەسىپ ءوتتى. ال جۇلدەلى ءۇشىنشى ورىندى ۇلىتاۋ وبلىسىنىڭ كومانداسى يەلەندى. ولاردىڭ ۋاقىت كورسەتكىشى – 32 ساعات 37 مينۋت 47 سەكۋند.
ايتا كەتەيىك, بيىل جارىسقا ماجارستان, يران, قىرعىزستان, رەسەي جانە وڭتۇستىك افريكا رەسپۋبليكاسىنان كەلگەن شاباندوزداردى قوسا العاندا, بارلىعى 19 كوماندا قاتىستى. الايدا مارەگە تەك 5 كوماندا عانا جەتتى. بۇل – اسا قاتال ءتارتىپ پەن جارىس جولىنىڭ قانشالىقتى قيىن ەكەنىنىڭ جارقىن دالەلى.
قازاقستان مەن شەت ەلدىڭ ەڭ ۇزدىك شاباندوزدارى باس قوسقان « ۇلى دالا جورىعى» مارافونى ۇرپاقتار ساباقتاستىعىنىڭ, قايتپاس قايسار رۋحتىڭ جانە ۇلتتىق قۇندىلىقتارىمىزعا, دارا داستۇرىمىزگە دەگەن قۇرمەتتىڭ سيمۆولىنا اينالدى. بۇل – ەلىمىزدىڭ سپورتتىق جانە مادەني كۇنتىزبەسىندەگى ەڭ ماڭىزدى وقيعالاردىڭ ءبىرى.
